សិស្សសាលា ចាម៉ៃកា ​ជាង ៦០​នាក់ ត្រូវ​​បញ្ជូន​ទៅ​មន្ទីរ​ពេទ្យ ​បន្ទាប់​ពី​ញ៉ាំ​ស្ករ​គ្រាប់​កញ្ឆា

សិស្សសាលាបឋមសិក្សានៃប្រទេស ចាម៉ៃកាជាង ៦០ នាក់ ត្រូវបានបញ្ជូនទៅមន្ទីរពេទ្យ បន្ទាប់ពីញ៉ាំស្ករគ្រាប់ឥន្ទធនូធ្វើពីកញ្ឆា ។

នៅថ្ងៃអង្គារ ទី៣ ខែតុលា អ្នកស្រី Fayval Williams រដ្ឋមន្ត្រីក្រសួងអប់រំ និងយុវជននៃប្រទេស ចាម៉ៃកា មានប្រសាសន៍ថា “ខ្ញុំជឿជាក់ថាយើងអាចរួមគ្នាពង្រឹងសុវត្ថិភាព និងសន្តិសុខរបស់យើង ដើម្បីប្រយុទ្ធប្រឆាំងនឹងការលក់ផលិតផលកញ្ឆាដោយមិនដឹងខ្លួន ។”

កាលពីល្ងាចថ្ងៃចន្ទ អ្នកស្រី Williams បានចែករំលែករូបកញ្ចប់ស្ករគ្រាប់ឥន្ទធនូទៅកាន់ក្រសួង ទើបដឹងថាជាផលិតផលកញ្ឆាដែលផ្ទុកសារជាតិញៀនកម្រិតខ្ពស់សម្រាប់មនុស្សពេញវ័យ ដូច្នេះបណ្ដាលឲ្យក្មេងៗជាច្រើនត្រូវព្យួរសេរ៉ូមដើម្បីព្យាបាល ។

គួរបញ្ជាក់ថា ប្រទេសចាម៉ៃកាបានហាមឃាត់ការកាន់កាប់កញ្ឆារហូតដល់ ៥៧ ក្រាម សម្រាប់គោលបំណងសាសនា ឱសថ និងវិទ្យាសាស្ត្រ ក្នុងឆ្នាំ ២០១៥ និងបានបង្កើតទីភ្នាក់ងារផ្តល់អាជ្ញាប័ណ្ណសម្រាប់ឧស្សាហកម្មកញ្ឆាវេជ្ជសាស្រ្តស្របច្បាប់របស់ប្រទេសផងដែរ ៕

ប្រែសម្រួល៖ វារី

ប្រភព៖ reuters

ចុចអាន៖ គ្លីនិកនៅ ថៃ ចាប់ផ្ដើមយកកញ្ឆាព្យាបាលជំងឺមួយចំនួន