ព័ត៌មានអន្ដរជាតិ
លោក បៃដិន ប្ដូរចិត្តមកធ្វើតាមគោលនយោបាយលោក ត្រាំ បន្តសាងសង់ជញ្ជាំងព្រំដែន អាមេរិក-ម៉ិកស៊ិក
រដ្ឋបាលរបស់លោកប្រធានាធិបតីអាសហរដ្ឋមេរិក ចូ បៃដិន បានប្រកាសថា នឹងបន្តអនុវត្តតាមគោលនយោបាយរបស់អតីតប្រធានាធិបតី ដូណាល់ ត្រាំ ក្នុងការសាងសង់ជញ្ជាំងព្រំដែនរវាងអាមេរិក និងម៉ិកស៊ិក ដើម្បីទប់ស្កាត់លំហូរនៃជនចំណាស្រុក ។

សេចក្តីប្រកាសនេះ គឺជាការផ្លាស់ប្តូរគោលនយោបាយដ៏សំខាន់មួយសម្រាប់លោក បៃដិន ដែលធ្លាប់បានសន្យាថានឹងផ្អាកការសាងសង់ជញ្ជាំងព្រំដែនភ្លាមៗ បន្ទាប់ពីចូលកាន់តំណែងនៅឆ្នាំ ២០២១ ប៉ុន្តែទោះជាយ៉ាងណា សេចក្ដីសម្រេចចិត្តនេះកើតមានឡើង ចំពេលដែលលំហូរនៃប្រជាជនមកពីអាមេរិកឡាទីនកំពុងព្យាយាមសម្រុកឆ្លងកាត់ព្រំដែនចូលមកអាមេរិក ។
ស្របពេលជាមួយគ្នានេះ នាយកដ្ឋានសន្តិសុខមាតុភូមិអាមេរិកបាននិយាយកាលពីថ្ងៃព្រហស្បតិ៍ថា រដ្ឋបាលក៏នឹងលើកលែងច្បាប់សហព័ន្ធដែលរឹតបន្តឹងលើការសាងសង់ជញ្ជាំងជិតព្រំដែននៅក្នុងតំបន់មួយចំនួននៃរដ្ឋតិចសាស់ភាគខាងត្បូងផងដែរ ។

នាយកដ្ឋានបានលើកឡើងទៀតថា “មានតម្រូវការយ៉ាងជាក់លាក់ និងជាបន្ទាន់ក្នុងការសាងសង់ជញ្ជាំង និងផ្លូវនានានៅក្នុងតំបន់ជុំវិញព្រំដែននៃសហរដ្ឋអាមេរិក ដើម្បីការពារការសម្រុកឆ្លងចូលដោយខុសច្បាប់ បន្ទាប់ពីមានជនចំណាកស្រុកច្រើនជាង ២៤៥,០០០ នាក់បានសម្រុកចូលក្នុងតំបន់តាមព្រំដែនពីខែតុលាឆ្នាំមុន ដល់ដើមខែសីហាឆ្នាំនេះ” ។
ពាក់ព័ន្ធនឹងបញ្ហានេះ រដ្ឋបាលលោក បៃដិន ក៏បានបញ្ជាក់ផងដែរថា ការសាងសង់ជញ្ជាំងព្រំដែនរវាងអាមេរិក និងម៉ិកស៊ិក នឹងត្រូវប្រើប្រាស់ថវិកាក្នុងមូលនិធីដែលបានបែងចែករួចទៅហើយកាលពីឆ្នាំ ២០១៩ ក្រោមរដ្ឋបាលលោក ត្រាំ ។
គួរបញ្ជាក់ថា លោក ដូណាល់ ត្រាំ បានជំរុញឲ្យមានការសាងសង់ជញ្ជាំងព្រំដែនរវាងអាមេរិក និងម៉ិកស៊ិក ជាគោលនយោបាយចម្បងគេដើម្បីការពារលំហូរនៃជនចំណាកស្រុក នៅពេលដែលលោកឡើងកាន់តំណែងជាប្រធានាធិបតីទី ៤៥ របស់សហរដ្ឋអាមេរិក ៕

ប្រែសម្រួលដោយ ៖ ជីវ័ន្ត
ប្រភព ៖ NHK
ចុចអាន ៖ តើមូលហេតុអ្វីខ្លះទើបប្រធានរដ្ឋសភា អាមេរិក ជ្រុះចេញពីតំណែង ហើយប៉ះ ពាល់យ៉ាងណាដល់ អ៊ុយក្រែន?

-
ព័ត៌មានអន្ដរជាតិ២៤ ម៉ោង ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
ព័ត៌មានអន្ដរជាតិ៤ ថ្ងៃ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
សន្តិសុខសង្គម២ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានជាតិ១ ថ្ងៃ ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៤ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៥ ថ្ងៃ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម២២ ម៉ោង ago
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
សន្តិសុខសង្គម៤ ម៉ោង ago
ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ