Breaking News! អ៊ីស្រាអែល រំដោះបានចំណាប់ខ្មាំងមួយចំនួន និងសម្លាប់​ក្រុមហាម៉ាស់ ១០ នាក់

កងកម្លាំងការពារជាតិអ៊ីស្រាអែល (IDF) បានអះអាងថា គិតត្រឹមពេលនេះចំណាប់ខ្មាំងមួយចំនួនត្រូវបានជួយសង្គ្រោះនៅភាគខាងត្បូងប្រទេសអ៊ីស្រាអែល បន្ទាប់ពីក្រុមហាម៉ាស់បើកការវាយប្រហារលើតំបន់ហ្គាហ្សាកាលពីថ្ងៃសៅរ៍ ទី៧ ខែតុលា ។

ទន្ទឹមនោះ យោងតាមការចុះផ្សាយរបស់សារព័ត៌មាន Kan បានឲ្យដឹងថា កងកម្លាំងការពារជាតិអ៊ីស្រាអែល (IDF) ក៏បានសម្លាប់ក្រុមហាម៉ាស់យ៉ាងហោចណាស់ ១០ នាក់ផងដែរ បន្ទាប់​ពី​ការ​វាយ​ប្រហារ​​មិន​ធ្លាប់​មាន​ពី​មុន​មករបស់​ក្រុម​មួយនេះ ។

ស្របពេលជាមួយគ្នានេះ កងកម្លាំងការពារជាតិអ៊ីស្រាអែល (IDF) ក៏បានគ្រប់គ្រងប៉ុស្តិ៍ប៉ូលិសក្រុង Sderot ជាកន្លែងដែលក្រុមហម៉ាស់-ប៉ាឡេស្ទីនជ្រៀតចូលពីតំបន់ហ្គាហ្សា បន្ទាប់ពីមានការប្រឈមមុខដាក់គ្នាអស់រយៈពេលជាច្រើនម៉ោង ។

គួរបញ្ជាក់ថា រដ្ឋាភិបាលអ៊ីស្រាអែលក៏បានប្ដេជ្ញានឹងសងសឹកយ៉ាងចាស់ដៃទៅកាន់ក្រុមហាម៉ាស់បាឡេស្ទីនវិញផងដែរ បន្ទាប់ពីខ្មាន់កាំភ្លើងរបស់ក្រុមមួយនេះបានបើកវាយលុកតំបន់ហ្គាហ្សា និងបានសម្លាប់មនុស្សយ៉ាងហោចណាស់ ២៥០ នាក់ ៕

ប្រែសម្រួលដោយ ៖ ជីវ័ន្ត

ប្រភព ៖ Times of Israel

ចុចអាន ៖ អ៊ីស្រាអែល ប្ដេជ្ញាសងសឹកយ៉ាងចាស់ដៃទៅក្រុមហាម៉ាស់វិញ ក្រោយបើក​ការវាយប្រហារសម្លាប់មនុស្សរាប់រយនាក់