បុរសអ៊ីស្រាអែលម្នាក់សុខចិត្តធ្វើចំណាប់ខ្មាំងជំនួសឲ្យតែក្រុមហាម៉ាស់ដោះលែងប្រពន្ធកូនមកវិញ (មានវីដេអូ)

បុរសជនជាតិអ៊ីស្រាអែលម្នាក់អង្វរក្រុមហាម៉ាស់ឲ្យដោះលែងប្រពន្ធ និងកូន ២ នាក់របស់ខ្លួនមកវិញ បន្ទាប់ពីពួកគេត្រូវបានចាប់ធ្វើជាចំណាប់ខ្មាំងក្នុងការវាយប្រហារកាលពីថ្ងៃទី៧ ខែតុលាកន្លងទៅ ។

លោក Yoni Asher បានឲ្យដឹងថា ពេលនោះប្រពន្ធកូនរបស់គាត់ទៅលេងផ្ទះម្ដាយនៅតំបន់ Nir Oz ជិតព្រំដែនជាមួយតំបន់​ហ្គាហ្សា ។ នាងបាននិយាយទូរសព្ទប្រាប់ប្ដីទាំងញ័រខ្លួនថា ក្រុមហាម៉ាស់កំពុងនៅក្នុងផ្ទះ ហើយក្រោយមកក៏ដាច់ការសន្ទនាជាមួយប្ដីទៅ ។

ប្រពន្ធរបស់ Asher មានឈ្មោះថា Doron ចំណែកឯកូនស្រី ២ នាក់ទៀតមានឈ្មោះថា Raz អាយុ ៥ ឆ្នាំ និង Aviv អាយុ ៣ ឆ្នាំ ។ លោកខូចចិត្តជាខ្លាំងពេលឃើញវីដេអូគ្រួសាររបស់ខ្លួនត្រូវគេចាប់ដាក់រទេះ ថែមទាំងយំអង្វរក្រុមហាម៉ាស់មិនឲ្យធ្វើបាបកូនក្មេង និងប្រពន្ធ ហើយឲ្យពួកគេមកយករូបលោកធ្វើជាចំណាប់ខ្មាំងជំនួសវិញទៅ ។

គិតត្រឹមយប់ថ្ងៃអាទិត្យ ទី៨ ខែតុលា អ៊ីស្រាអែលបញ្ជាក់ថា​ តួលេខអ្នកស្លាប់នៅក្នុងប្រទេស បន្ទាប់ពីការវាយប្រហារដ៏គួរឲ្យភ្ញាក់ផ្អើលមួយដោយក្រុមសកម្មប្រយុទ្ធ ហាម៉ាស់ បានកើនឡើងដល់ ៧០០ នាក់ ខណៈមន្ត្រីខាងប៉ាឡេស្ទីនវិញនិយាយថា មនុស្សជាង ៤០០ នាក់ត្រូវបានសម្លាប់នៅក្នុងតំបន់ហ្គាហ្សា ៕

ប្រែសម្រួល៖ វារី

ប្រភព៖ dailymail

ចុចអាន៖ សង្គ្រាមអ៊ីស្រាអែល-ប៉ាឡេស្ទីន សម្លាប់មនុស្សជាង១០០០នាក់ ចំណែកនៅអាហ្វហ្គានីស្ថានឯណោះវិញ រញ្ជួយដី ស្លាប់មនុស្សជាង ២០០០នាក់ដែរ