សង្គ្រាម អ៊ីស្រាអែល-ប៉ាឡេស្ទីន ក៏លោកយាយពិការភ្នែក Baba Vanga ធ្លាប់ទស្សន៍ទាយដែរ

បន្ទាប់ពីការផ្ទុះសង្គ្រាមរវាងអ៊ីស្រាអែល និង​ក្រុម​​ហាម៉ាស់ប៉ាឡេស្ទីននាពេលថ្មីៗនេះ ធ្វើឲ្យគេនឹកឃើញដល់ទំនាយរបស់លោកយាយពិការភ្នែក Baba Vanga ដែលពេលនោះលោកយាយបានទស្សន៍ទាយថា “ជនជាតិមូស្លីមនឹងលុកលុយអឺរ៉ុប ហើយនឹងបញ្ចប់ទៅដោយការបង្កើតរដ្ឋឥស្លាមនៅឆ្នាំ ២០៤៣” ។

ក្រុមសកម្មប្រយុទ្ធហាម៉ាស់ប៉ាឡេស្ទីនបានសម្រុកឆ្លងកាត់ព្រំដែនចូលមកទឹកដីអ៊ីស្រាអែលនៅថ្ងៃទី៧ ខែតុលា ដែលបង្កជាព្រឹត្តិការណ៍សាហាវឃោឃៅទ្រង់ទ្រាយធំមិនធ្លាប់មានទាល់តែសោះ ។

មែនទែនទៅជម្លោះរវាងអ៊ីស្រាអែល និងក្រុមហាម៉ាស់កើតឡើងតាំងពីឆ្នាំ ២០០៧ មកម្ល៉េះក៏ដោយ ប៉ុន្តែការវាយប្រហារលើកនេះត្រូវបានចាត់ទុកជាសកម្មភាពខ្នាតធំបំផុត ដូច្នេះពាក្យទស្សន៍ទាយរបស់លោកស្រី Baba Vanga ត្រូវបានមហាជនចាប់អារម្មណ៍ម្ដងទៀត ។

ទន្ទឹមនោះ ទោះបីជាលោកស្រីដែលមានឈ្មោះពិតថា Vangelia Pandeva Gushterova ទទួលមរណភាពតាំងតែពីឆ្នាំ ១៩៩៦ ក៏ដោយ ប៉ុន្តែការព្យាករណ៍របស់គាត់ជាច្រើនបានក្លាយជាការពិត ។

សូម្បីតែព្រឹត្តិការណ៍ “ការវាយប្រហារភេរវកម្មលើអគារពាណិជ្ជកម្ម” នៅសហរដ្ឋអាមេរិកក៏លោកយាយធ្លាប់ទស្សន៍ទាយដែរ ។ នៅពេលនេះ លោកស្រី Baba Vanga បាននិយាយថា “រន្ធត់ណាស់ៗ! បងប្អូនជនជាតិអាមេរិកនឹងស្លាប់ បន្ទាប់ពីត្រូវបានវាយប្រហារដោយបក្សីដែក ។ ចចកនឹងស្រែកទ្រហោយំក្នុងព្រៃ ហើយឈាមមនុស្សស្លូតត្រង់នឹងហៀរចេញមកផងដែរ” ៕

ប្រែសម្រួល៖ វារី

ប្រភព៖ Dailystar

ចុចអាន៖ បុរសអ៊ីស្រាអែលម្នាក់សុខចិត្តធ្វើចំណាប់ខ្មាំងជំនួសឲ្យតែក្រុមហាម៉ាស់ដោះលែងប្រពន្ធកូនមកវិញ (មានវីដេអូ)