រង្វាន់ណូបែលសេដ្ឋកិច្ចឆ្នាំនេះ បានទៅលើសាស្ត្រាចារ្យ អាមេរិក

ពានរង្វាន់ណូបែលសេដ្ឋកិច្ចឆ្នាំនេះ បានទៅលើលោកស្រីសាស្រ្តាចារ្យ Claudia Goldin មកពីសាកលវិទ្យាល័យ Harvard សម្រាប់ស្នាដៃនៃកិច្ចការស្រាវជ្រាវលើស្រ្តីនៅក្នុងទីផ្សារការងារ ។

គណៈកម្មាធិការណូបែលបញ្ជាក់ថា លោកស្រីសាស្រ្តាចារ្យ Claudia Goldin បានផ្តល់គណនីដ៏ទូលំទូលាយដំបូងបង្អស់នៃប្រាក់ចំណូលរបស់ស្ត្រី និងលទ្ធផលទីផ្សារការងារក្នុងរយៈពេលជាច្រើនសតវត្សមកហើយ ។ ការស្រាវជ្រាវនេះ បង្ហាញពីគំរូថ្មី កំណត់មូលហេតុនៃការផ្លាស់ប្តូរ និងទាក់ទងជាមួយប្រភពសំខាន់នៃគម្លាតយេនឌ័រ ។

លោកស្រីគឺជាស្ត្រីទី ៣ ដែលឈ្នះរង្វាន់ណូបែលសេដ្ឋកិច្ចទី ៣ ហើយ ហើយ​ក្រៅ​ពីសាស្ត្រាចារ្យសេដ្ឋកិច្ចនៅសកលវិទ្យាល័យ Harvard, លោកស្រី Claudia Goldin ក៏ជាអ្នកនិពន្ធសៀវភៅជាច្រើន និងជាសហនាយកនៃក្រុមការងារ Gender in the Economy សម្រាប់ការិយាល័យជាតិស្រាវជ្រាវសេដ្ឋកិច្ចនៅសហរដ្ឋអាមេរិកផងដែរ ។

គួរបញ្ជាក់ថា ពានរង្វាន់នេះមានឈ្មោះជាផ្លូវការ Sveriges Riksbank Prize ហើយអ្នកឈ្នះ នឹងទទួលបានទឹកប្រាក់រហូតទៅដល់ ៩០៧,០០០ដុល្លារ ខណៈកាលពីឆ្នាំមុនៗ ពានរង្វាន់នេះក៏បានទៅលើសេដ្ឋវិទូជនជាតិអាមេរិកផងដែរដូចជាលោក Ben Bernanke, លោក Douglas Diamond និងលោក Philip Dybvig សម្រាប់ការងាររបស់ពួកគេលើវិស័យធនាគារ និងវិបត្តិហិរញ្ញវត្ថុ ៕

ប្រែសម្រួល៖ នាង រតនៈ

ប្រភព៖​ CNBC