ព័ត៌មានអន្ដរជាតិ
ក្រុមប្រឹក្សាសន្តិសុខ UN សម្រេចមិនថ្កោលទោសរដ្ឋប្រហារមីយ៉ាន់ម៉ា
ក្រុមប្រឹក្សាសន្តិសុខអង្គការសហប្រជាជាតិ (UNSC) បានអំពាវនាវឲ្យមានការដោះលែងមេដឹកនាំមីយ៉ាន់ម៉ាលោកស្រី អ៊ុងសាន ស៊ូជី និងអ្នកផ្សេងទៀតដែលត្រូវបានចាប់ខ្លួនដោយយោធា ហើយបានសង្កត់ធ្ងន់លើភាពចាំបាច់ដើម្បីគាំទ្រលទ្ធិប្រជាធិបតេយ្យប៉ុន្តែមិនបានថ្កោលទោសការធ្វើរដ្ឋប្រហារនៅសប្តាហ៍នេះទេ។
![](https://www.kampucheathmey.com/wp-content/uploads/2021/02/08987053.jpg)
UNSC ដែលមានសមាជិក១៥ប្រទេស បាននិយាយនៅក្នុងសេចក្តីថ្លែងការណ៍មួយដែលត្រូវឯកភាពដោយការមូលមតិគ្នាកាលពីថ្ងៃព្រហស្បតិ៍ថា ពួកគេសង្កត់ធ្ងន់លើភាពចាំបាច់ដើម្បីគាំទ្រស្ថាប័ននិងដំណើរការលទ្ធិប្រជាធិបតេយ្យនានា, ចៀសវាងពីអំពើហិង្សានិងការគោរពសិទ្ធិមនុស្ស សេរីភាពជាមូលដ្ឋាននិងនីតិរដ្ឋ។
![](https://www.kampucheathmey.com/wp-content/uploads/2021/02/unnamed-2-2.jpg)
ទោះបីជាយ៉ាងណាក៏ដោយ ភាសានៅក្នុងសេចក្តីថ្លែងការណ៍នេះមានភាពទន់ភ្លន់ជាងសេចក្តីព្រាងច្បាប់ដើមរបស់ចក្រភពអង់គ្លេស និងមិនបាននិយាយអំពីការធ្វើរដ្ឋប្រហារទេ។ ជាក់ស្តែង សេចក្តីថ្លែងការណ៍នេះទទួលបានការគាំទ្រពីប្រទេសចិននិងរុស្ស៊ីដែលតែងតែការពារមីយ៉ាន់ម៉ាពីសកម្មភាពសំខាន់ៗរបស់ក្រុមប្រឹក្សា។
![](https://www.kampucheathmey.com/wp-content/uploads/2021/02/image1170x530cropped-1-1024x463.jpg)
បេសកកម្មអង្គការសហប្រជាជាតិរបស់ប្រទេសចិនបាននិយាយថា ទីក្រុងប៉េកាំងសង្ឃឹមថា សារសំខាន់ៗនៅក្នុងសេចក្តីថ្លែងការណ៍នេះ អាចត្រូវបានយកចិត្តទុកដាក់ដោយគ្រប់ភាគីទាំងអស់និងនាំទៅរកលទ្ធផលវិជ្ជមាននៅក្នុងប្រទេសមីយ៉ាន់ម៉ា។
យ៉ាងណាក្តី Reuters មិនអាចទាក់ទងរដ្ឋាភិបាលមីយ៉ាន់ម៉ាដើម្បីសុំការអត្ថាធិប្បាយបានទេ។
![](https://www.kampucheathmey.com/wp-content/uploads/2021/02/8.jpg)
ម្ចាស់ជ័យលាភីពានរង្វាន់ណូបែលសន្តិភាព លោកស្រីអ៊ុងសានស៊ូជីអាយុ៧៥ឆ្នាំមិនត្រូវបានគេមើលឃើញទេចាប់តាំងពីលោកស្រីត្រូវបានចាប់ខ្លួន។ ប៉ូលិសបានប្តឹងចោទប្រកាន់លោកស្រីពីបទនាំចូលដោយខុសច្បាប់និងប្រើប្រាស់វិទ្យុទាក់ទងចំនួន៦គ្រឿងដែលត្រូវបានរកឃើញនៅក្នុងផ្ទះរបស់លោកស្រី៕
ប្រែសម្រួលដោយ៖ Vann Vann
ប្រភព៖ CNA
![](https://kampucheathmey.com/wp-content/uploads/2020/12/1-01-2-01-1.png)
-
សន្តិសុខសង្គម២០ ម៉ោង ago
អ្នកកាសែតម្នាក់ត្រូវឃាត់ខ្លួនក្រោយដោះមីនតោនដឹកយកទៅឱ្យប៉ូលិស
-
សន្តិសុខសង្គម៣ ថ្ងៃ ago
Breaking News៖ អគ្គិភ័យកំពុងឆេះក្លឹបមួយកន្លែងនៅជិតវត្តឬស្សីសាញ់(មានវីដេអូ)
-
ព័ត៌មានជាតិ៣ ថ្ងៃ ago
ព័ត៌មានបន្ថែម៖ មានមនុស្ស៣នាក់រងរបួសក្នុងហេតុការណ៍ឆេះក្លឹប
-
ព័ត៌មានអន្ដរជាតិ១ សប្តាហ៍ ago
ការស្លាប់របស់ពិធីការនី កូរ៉េ ដោយសារតែទ្រាំទ្រសម្ពាធ និងការធ្វើបាបពីមិត្តរួមការងារលែងបាន
-
ព័ត៌មានជាតិ១ សប្តាហ៍ ago
សម្ដេចតេជោ ស្នើឱ្យតុលាការចាត់ការលើសំណុំរឿង Mr Seth អ្នករៀបចំធ្វើបាតុកម្ម ១៨ សីហា ក្រោយបុគ្គលនេះក្បត់សន្យា
-
សន្តិសុខសង្គម១ សប្តាហ៍ ago
Update! ដុំដែក៣ដុំដែលធ្លាក់បុកទម្លុះប្លង់សេផ្ទះប្រជាពលរដ្ឋ គឺកើតចេញពីផ្ទុះម៉ូទ័រស្តុកប្រេងរបស់ឧកញ៉ាម្នាក់
-
ជីវិតកម្សាន្ដ៧ ថ្ងៃ ago
បានឱកាសចូលសម្តែងជាថ្មី តាចេក ស៊ូកើយអង្រឹងនៅចេតីយ៍រង់ចាំថតរឿងខ្មោច
-
ជីវិតកម្សាន្ដ១ ថ្ងៃ ago
អតីតស្វាមី រងការចោទ កេងប្រវ័ញ្ចការស្លាប់ Barbie ខណៈមិត្តស្រីទម្លាយថា លោកនិងម្ដាយគឺជាជនបង្ក