ព័ត៌មានអន្ដរជាតិ
លោក Zelensky កំពុងភ័យខ្លួនថា លោកខាងលិច ប្រហែលទុក អ៊ុយក្រែន ចោលហើយ ព្រោះតែជម្លោះ អ៊ីស្រាអែល-ប៉ាឡេស្ទីន
ប្រធានាធិបតីអ៊ុយក្រែន លោក Volodymyr Zelensky កំពុងមានក្ដីព្រួយបារម្ភថា លោកខាងលិចប្រហែលជាលែងយកចិត្តទុកដាក់ចំពោះជម្លោះនៅអ៊ុយក្រែនដូចមុនទៀតហើយ ចំពេលមានការវាយប្រហារថ្មីៗនេះលើអ៊ីស្រាអែលពីសំណាក់ក្រុមប្រដាប់អាវុធប៉ាឡេស្ទីនហាម៉ាស់ ។
លោក Zelensky បាននិយាយនៅក្នុងបទសម្ភាសន៍មួយទៅកាន់សារព័ត៌មាន France 2 កាលពីថ្ងៃអង្គារថា “សហគមន៍ពិភពលោកប្រហែលជាលែងសូវយកចិត្តទុកដាក់ចំពោះអ៊ុយក្រែនទៀតហើយមើលទៅ ដោយសារតែប្រទេសភាគច្រើនងាកទៅផ្ដល់ជំនួយសន្តិសុខឲ្យប្រទេសអ៊ីស្រាអែលដែលក៏កំពុងជាប់ដៃប្រយុទ្ធជាមួយក្រុមហាម៉ាស់” ។
ទន្ទឹមនឹងនេះ ប្រធានាធិបតីអ៊ុយក្រែនបានអះអាងទៀតថា ប្រសិនបើការផ្ដល់ជំនួយទៅដល់រដ្ឋាភិបាលទីក្រុងកៀវត្រូវបានបញ្ឈប់នោះ ពេលវេលាជ័យជម្នះនឹងធ្លាក់ដល់ដៃខាងរុស្ស៊ីជាក់ជាមិនខាន ប៉ុន្តែលោកនៅតែសង្ឃឹមថា សហរដ្ឋអាមេរិកនឹងនៅបន្តការគាំទ្រ ក៏ដូចជាមិនបិទភ្នែកមើលអ៊ុយក្រែនឡើយ” ។
ស្របពេលជាមួយគ្នានេះ ការលើកឡើងរបស់លោក Zelensky កើតមានឡើង បន្ទាប់ពីអ្នកនាំពាក្យក្រុមប្រឹក្សាសន្តិសុខជាតិរបស់សេតវិមាន លោក John Kirby បាននិយាយថា រដ្ឋបាលរបស់លោកប្រធានាធិបតី Joe Biden អាចនឹងស្នើសុំឲ្យសភាអនុម័តការផ្តល់មូលនិធិបន្ថែមទៀតដើម្បីជួយដល់អ៊ីស្រាអែលដើម្បីទប់ទល់នឹងក្រុមហាម៉ាស់ ។
គួរបញ្ជាក់ថា នៅព្រឹកព្រលឹមថ្ងៃសៅរ៍ ទី៧ ខែតុលា ក្រុមហាម៉ាស់បានបើកការវាយប្រហារចេញពីតំបន់ហ្គាហ្សាស្រ្ទីប ដោយបាញ់ស្រោចរ៉ុកកែតរាប់ពាន់គ្រាប់ទៅលើទឹកដីអ៊ីស្រាអែល ខណៈបន្ទាប់មកសញ្ញាប្រកាសអាសន្នបានបន្លឺឡើងជាបន្តបន្ទាប់ក្នុងតំបន់ជាច្រើននៅទូទាំងប្រទេសអ៊ីស្រាអែល រួមមានទាំងតំបន់ Tel Aviv និងតំបន់ជុំវិញនោះផងដែរ ។
មិនយូរប៉ុន្មាន កងកម្លាំងការពារជាតិអ៊ីស្រាអែល (IDF) បានប្រកាសថា ពួកគេកំពុងបើកប្រតិបត្តិការ ‘ដាវដែក’ ជាការសងសឹកចំពោះការវាយប្រហារពីសំណាក់ក្រុមប្រដាប់អាវុធប៉ាឡេស្ទីនហាម៉ាស់ ខណៈរហូតមកដល់ពេលនេះការវាយប្រហារគ្នាទៅវិញទៅមករវាងភាគីជម្លោះទាំងពីរបានសម្លាប់មនុស្សដល់ ៣,០០០ នាក់ហើយ ៕
ប្រែសម្រួលដោយ ៖ ជីវ័ន្ត
ប្រភព ៖ TASS
ចុចអាន ៖ ក្នុងពេលតែមួយ អាមេរិក ផ្ដល់ជំនួយសន្តិសុខដល់ប្រទេសកំពុងផ្ទុះសង្គ្រាម ចំនួន ២
-
សេដ្ឋកិច្ច១ សប្តាហ៍ ago
ការវិនិយោគរបស់ក្រុមហ៊ុនជប៉ុន កំពុងជួយរុញឱ្យកំណើនសេដ្ឋកិច្ចកម្ពុជាកាន់តែងើបឡើងបន្ថែមទៀត
-
ព័ត៌មានជាតិ៥ ថ្ងៃ ago
អ្នកនាំពាក្យទទូចដល់អ្នកប្រើបណ្តាញសង្គមបញ្ឈប់ចែកចាយជាបន្ទាន់ និងលុបចេញរាល់មាតិកាដែលពាក់ព័ន្ធឃាតកម្មឃោរឃៅ
-
ព័ត៌មានជាតិ១ សប្តាហ៍ ago
ក.ប.ប រកឃើញថាឈ្មួញនាំចូលផ្លែទុរេនពីប្រទេសជិតខាង និងមានជ្រលក់ថ្នាំ ហើយលក់បន្លំថាជាទុរេនក្នុងស្រុក
-
ព័ត៌មានជាតិ៤ ថ្ងៃ ago
លោក ជួន ណារិន្ទ បញ្ជាឱ្យហៅគ្រូមន្តអាគមយកកាំភ្លើងពោះខ្លួនឯងមកសួរនាំ ទោះសាមីខ្លួនសុំទោសជាសាធារណៈ
-
ព័ត៌មានជាតិ៦ ថ្ងៃ ago
បុរសម្នាក់ ត្រូវសត្វថ្លែនខាំបណ្តាលឱ្យស្លាប់ ក្រោយបញ្ជូនទៅសង្គ្រោះនៅមណ្ឌលសុខភាព
-
ព័ត៌មានអន្ដរជាតិ៣ ថ្ងៃ ago
ព្យុះខ្សាច់សាហារ៉ាដ៏ធំ ហោះឆ្លងមហាសមុទ្រអាត្លង់ទិក ទៅវាយប្រហារអាមេរិក ចុងសប្តាហ៍នេះ
-
ព័ត៌មានជាតិ១ សប្តាហ៍ ago
ក្នុងឆ្នាំ២០២៤៖ ឧកញ៉ា អ្នកឧកញ៉ា ៤នាក់ ត្រូវដកហូតគោរមងារ ក្រោយរកស៊ីបោកប្រាស់ និងបាញ់ប្រហារពលរដ្ឋ
-
ព័ត៌មានជាតិ៦ ថ្ងៃ ago
រដ្ឋមន្ត្រីក្រសួងព័ត៌មាន ស្នើអ្នកសារព័ត៌មាន MMO ឈប់បង្ហោះវីដេអូជនដៃដល់ស្រី ស៊ីណា បាញ់ជនរងគ្រោះ