អ៊ីស្រាអែល​ សម្លាប់ប្អូនប្រុសមេបញ្ជាការជាន់ខ្ពស់ក្រុមហាម៉ាស់ និងសាច់ញាតិ

ប្រព័ន្ធផ្សព្វផ្សាយដែលមានទំនាក់ទំនងជាមួយក្រុម ហាម៉ាស់ បានរាយការណ៍នៅថ្ងៃពុធទី១១ខែតុលាថា ប្អូនប្រុសមេបញ្ជាការជាន់ខ្ពស់ក្រុមហាម៉ាស់ Mohammed Deif ត្រូវបានសម្លាប់ នៅក្នុងការវាយប្រហារតាមអាកាសរបស់អ៊ីស្រាអែល។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមរបាយការណ៍, លោក Abdul Fattah Deif និងសាច់ញាតិមួយចំនួនផ្សេងទៀត ត្រូវបានសម្លាប់ក្នុងអំឡុងពេលការវាយឆ្មក់ពីអាកាសលើតំបន់ Khan Younis នៅភាគខាងត្បូងជ្រោយហ្គាហ្សា។

ទោះបីជាយ៉ាងណាក៏ដោយ ភ្លាមៗមិនទាន់មានព័ត៌មានលម្អិតអំពីការស្លាប់នេះនៅឡើយទេ។

គួរបញ្ជាក់ថា មេក្រុមហាម៉ាស់លោក Mohammed Deif បានរួចរស់ជីវិតពីការប៉ុនប៉ងសម្លាប់ ដោយអ៊ីស្រាអែល ជាច្រើនលើកច្រើនសារមកហើយ។

នៅខែសីហា២០១៤ ការវាយប្រហារអាកាសរបស់អ៊ីស្រាអែល ទៅលើតំបន់ហ្គាហ្សា បានសម្លាប់ប្រពន្ធនិងកូនប្រុសអាយុប្រាំពីរខែរបស់គាត់ ក្នុងផ្ទះដែលពួកគេស្នាក់នៅជាមួយគ្នា៕

ប្រែសម្រួល៖ Vann Vann

ប្រភព៖ Aljazeera

ចុចអាន៖ ប៉ាឡេស្ទីន ថា អ៊ីស្រាអែល វាយប្រហារអាកាសសម្លាប់កុមារ ២៦០នាក់នៅ ហ្គាហ្សា