Connect with us

ព័ត៌មានអន្ដរជាតិ

ស្ងាត់ដំណឹងជាង ៣ ខែ ពេលនេះរកឃើញបំណែកសាកសពមនុស្សបន្ថែម​ក្នុងកម្ទេចកម្ទីយានជ្រមុជទឹក Titan

បានផុស

នៅ

ឆ្មាំឆ្នេរសមុទ្រសហរដ្ឋអាមេរិកកាលពីថ្ងៃពុធ ទី១១ ខែតុលា បានប្រកាសរកឃើញបំណែកសាកសពមនុស្ស ក៏ដូចជាកម្ទេចកម្ទីបន្ថែមទៀតពីយានជ្រមុជទឹក Titan ដែលផ្ទុះខ្ទេច អំឡុងពេលដឹកអ្នកទេសចរធ្វើដំណើរទៅមើលខ្មោចកប៉ាល់ទីតានិកកាលពីខែមិថុនា ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ឆ្មាំឆ្នេរសមុទ្រសហរដ្ឋអាមេរិកបានរៀបរាប់លម្អិតថា បំណែកសាកសពមនុស្សត្រូវបានក្រុមមន្ត្រីស្រង់ចេញពីក្នុងកម្ទេចកម្ទីដោយប្រុងប្រយ័ត្ន ហើយក្រោយមកត្រូវបានដឹកជញ្ជូនតាមកប៉ាល់ទៅឲ្យអ្នកជំនាញសហរដ្ឋអាមេរិក ដើម្បីធ្វើតេស្ត និងវិភាគ ។

មែនទែនទៅ ដានថ្មីនៃកម្ទេចកម្ទី និងបំណែកសាកសពមនុស្សនេះត្រូវបានរកឃើញតាំងតែពីថ្ងៃទី៤ ខែតុលា ពោលមានរយៈពេលជាង ៣ ខែ បន្ទាប់ពីយានជ្រមុជទឹក Titan ដែលមានទម្ងន់ប្រមាណ ១០ តោន បានផ្ទុះនៅក្រោមទឹក សម្លាប់អ្នកដំណើរ ៥ នាក់ដែលជិះនៅក្នុងនោះ ។

នៅថ្ងៃទី១៨ ខែមិថុនា យានជ្រមុជទឹក Titan បានដឹកអ្នកទេសចររបស់ខ្លួនចំនួន ៥ នាក់ចុះក្រោមបាតសមុទ្រដើម្បីធ្វើដំណើរទៅមើលខ្មោចកប៉ាល់ទីតានិក ប៉ុន្តែប្រហែល ១ ម៉ោង និង ៤៥ នាទីក្រោយមក នាវិកបានបាត់បង់ទំនាក់ទំនងជាមួយកប៉ាល់មេដែលនៅផ្ទៃខាងលើក្នុងតំបន់ Cape Cod រដ្ឋ Massachusetts ។

បន្ទាប់ពីបេសកកម្មស្វែងរក និងជួយសង្គ្រោះជាបន្តបន្ទាប់ រហូតដល់ថ្ងៃទី២២ ខែមិថុនា ទើបឆ្មាំសមុទ្របានរកឃើញកន្ទុយយានជ្រមុជទឹក និងកម្ទេចកម្ទីផ្សេងទៀតនៅលើផ្ទៃសមុទ្រ ពោលចម្ងាយប្រហែល ៥០០ ម៉ែត្រពីតួយានជ្រមុជទឹក Titan ។

គួរបញ្ជាក់ថា មនុស្ស ៥ នាក់ដែលបាត់បង់ជីវិតក្នុងហេតុការណ៍ផ្ទុះយានជ្រមុជទឹក Titan នេះ រួមមាននាយកប្រតិបត្តិក្រុមហ៊ុន OceanGate លោក Stockton Rush, មហាសេដ្ឋីអង់គ្លេស Hamish Harding, អ្នករុករកជនជាតិបារាំង Paul-Henri Nargeolet និងមហាសេដ្ឋីប៉ាគីស្ថាន Shahzada Dawood រួមទាំងកូនប្រុស Suleman អាយុ ១៩ ឆ្នាំ ៕

ប្រែសម្រួលដោយ ៖ ជីវ័ន្ត

ប្រភព ៖ Sputnik

ចុចអាន ៖ លោក បៃដិន ថា អាមេរិក នឹងផ្ដល់គ្រប់យ៉ាងទៅឲ្យ អ៊ីស្រាអែល ដើម្បីប្រឆាំង ក្រុមហាម៉ាស់

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

សន្តិសុខសង្គម១៤ ម៉ោង មុន

ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ

ព័ត៌មានជាតិ១២ ម៉ោង មុន

សពអ្នកឧកញ៉ា ហ៊ុន សាន នឹងត្រូវដង្ហែទៅបញ្ចុះនៅវត្តច័ន្ទបុរីវង្ស ព្រឹកថ្ងៃទី២ ខែមេសា

ព័ត៌មានអន្ដរជាតិ១៨ ម៉ោង មុន

របាយការណ៍​ចុងក្រោយ​បំផុត​អំពី​ការ​បំផ្លិចបំផ្លាញ និង​រង​គ្រោះ​ ព្រោះ​ការ​​រញ្ជួយ​ដី​នៅ​អាស៊ីអាគ្នេយ៍

ព័ត៌មានជាតិ៩ ម៉ោង មុន

ព័ត៌មានលម្អិតជុំវិញការបង្រ្កាបក្រុមឆក់ប្លន់នៅខេត្តកណ្ដាល ខណៈជនសង្ស័យម្នាក់ជាមុខសញ្ញាចាស់ កំពុងរត់គេចខ្លួន

ព័ត៌មានជាតិ១១ ម៉ោង មុន

ករណីនៅផ្លូវល្បឿនលឿន សមត្ថកិច្ច ថា ផ្ដើមពីករណីឆក់ តែជនសង្ស័យម្នាក់ដើម្បីគេចខ្លួន ក៏ភ្ជង់យកឡានពលរដ្ឋទៅ

Sokha Hotels

ព័ត៌មានពេញនិយម