ព័ត៌មានអន្ដរជាតិ

យោធាមីយ៉ាន់ម៉ាបញ្ជាឲ្យសមាជិកសភារបស់លោកស្រី ស៊ូជី ចាកចេញពីទីស្នាក់ការសភា

បានផុស

៤ years មុន

នៅ

ថ្ងៃសុក្រ ៥ កុម្ភៈ ២០២១

ដោយ

សមាជិកសភាមីយ៉ាន់ម៉ារបស់លោកស្រី អ៊ុងសាន ស៊ូជី បានជាប់គាំងនៅក្នុងទីស្នាក់ការមួយនៅក្នុងរដ្ឋបាលនៃរដ្ឋធានីណៃពិដោ នៅពេលដែលកងកម្លាំងយោធាបានឡើងកាន់អំណាចដោយរដ្ឋប្រហារកាលពីថ្ងៃទី ១ ខែកុម្ភៈត្រូវបានផ្តល់ឱសានវាទឲ្យចាកចេញពីកន្លែងនោះក្នុងរយៈពេល ២៤ ម៉ោង ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សមាជិកសភាដែលបានជាប់ឆ្នោតថ្មី និងក្រុមគ្រួសាររបស់ពួកគេកំពុងស្នាក់នៅផ្ទះសំណាក់ Sibin ដើម្បីចូលរួមកិច្ចប្រជុំសភាថ្មីនៅថ្ងៃទី ១ ខែកុម្ភៈ នៅពេលដែលយោធាចាប់ផ្តើមដណ្តើមអំណាច និងចាប់ឃុំខ្លួនលោកស្រី អ៊ុងសាន ស៊ូជី និងលោកប្រធានាធិបតីរួមជាមួយនឹងឥស្សរជនជាន់ខ្ពស់ផ្សេងទៀតនៃគណបក្សសម្ព័ន្ធជាតិដើម្បីលទ្ធិប្រជាធិតេយ្យ (NLD) ។

លោក U Aung Kyin Nyunt បាននិយាយថា “បទបញ្ជាឲ្យចាកចេញពីទីស្នាក់ការនេះបានមកពីរដ្ឋមន្រ្តីក្រសួងកិច្ចការព្រំដែន ហើយបានបន្ថែមថា សមាជិកសភាជាច្រើនបានចាប់ផ្តើមវេចខ្ចប់ទ្រព្យសម្បត្តិរបស់ពួកគេដើម្បីត្រៀមវិលត្រឡប់ទៅផ្ទះវិញ ហើយនេះគឺជាការបង្ខំមួយ ” ។

បទបញ្ជាដំបូងគឺឲ្យពួកគេចាកចេញក្នុងរយៈពេល ៤៨ ម៉ោង ប៉ុន្តែពីរបីម៉ោងក្រោយមកបទបញ្ជាផ្សេងទៀតបានកើតឡើង ហើយនៅពេលនេះពួកគេត្រូវបញ្ជាឲ្យចាកចេញក្នុងរយៈពេល ២៤ ម៉ោងវិញ ។

បទបញ្ជានេះបាននិយាយថា ប្រសិនបើពួកគេមិនចាកចេញពីកន្លែងនោះក្នុងរយៈពេល ២៤ ម៉ោងទេ ពួកគេនឹងត្រូវនាំទៅផ្ទះរបស់ពួកគេវិញដោយបង្ខំក្នុងយានយន្តយោធា ។

លោក U Aung Kyi Nyunt បាននិយាយថា ពួកគេបានព្យាយាមចរចាជាច្រើនដង ប៉ុន្តែមិនបានជោគជ័យនោះទេ ។

យោធាបានរៀបចំរដ្ឋាភិបាលឡើងវិញរួចហើយដោយតែងតាំងរដ្ឋមន្រ្តីថ្មី រក្សាសមាជិកនៃតុលាការកំពូល និងគណៈកម្មការប្រឆាំងអំពើពុករលួយ ខណៈដែលកំពុងឃុំខ្លួនសមាជិកនៃគណៈកម្មការរៀបចំការបោះឆ្នោតមុនៗ និងតែងតាំងសមាជិកថ្មីរបស់ខ្លួនជំនួសផងដែរ ៕