ក្រុមហាម៉ាស់ ប្រាប់ពលរដ្ឋហ្គាហ្សា កុំស្តាប់បញ្ជាជម្លៀសរបស់ អ៊ីស្រាអែល

មន្ត្រីក្រុមហាម៉ាស់ បានចាត់ទុកការបញ្ជារបស់អ៊ីស្រាអែល ឲ្យប្រជាជននៅភាគខាងជើងតំបន់ហ្គាហ្សា ផ្លាស់ទីលំនៅទៅភាគខាងត្បូង ថាជាការឃោសនាក្លែងក្លាយ ហើយជំរុញឲ្យពលរដ្ឋនៅទីនោះ កុំស្តាប់បញ្ជានេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្រុម​សកម្មប្រយុទ្ធ​នេះ​ ត្រូវ​បាន​សហគមន៍​អន្តរជាតិ​រិះគន់​ជា​យូរ​មក​ហើយ ​ចំពោះ​ការ​ប្រើប្រាស់​ជន​ស៊ីវិលធ្វើ​ជា​ខែល​ ដោយ​ដាក់​មនុស្ស​ស្លូតត្រង់​ឲ្យ​ស្ថិត​ក្នុង​គ្រោះថ្នាក់ ​ដើម្បី​ការពារ​យុទ្ធជន​របស់​ពួកគេ។

មុននេះ យោធាអ៊ីស្រាអែលបានប្រាប់អង្គការសហប្រជាជាតិថា មនុស្សគ្រប់គ្នាដែលរស់នៅភាគខាងជើងនៃតំបន់ Wadi Gaza គួរតែផ្លាស់ប្តូរទីតាំងទៅកាន់ភាគខាងត្បូងវិញ ក្នុងរយៈពេល២៤ម៉ោងខាងមុខ។

UN និយាយថា ប្រជាជនទាំងនោះគឺមានចំនួន ១.១ លាននាក់ ពោលគឺស្មើប្រហែលពាក់កណ្តាលនៃចំនួនប្រជាជននៃតំបន់ហ្គាហ្សាស្ទ្រីប ទាំងមូល។

ក្រុមហាម៉ាស់ បានឡើងកាន់អំណាចក្នុងតំបន់ហ្គាហ្សា បន្ទាប់ពីឈ្នះការបោះឆ្នោតនីតិបញ្ញត្តិឆ្នាំ២០០៦ មុនពេលពង្រឹងអំណាចរបស់ខ្លួននៅឆ្នាំបន្ទាប់ ដោយបណ្តេញចលនាគូប្រជែង Fatah របស់ប្រធានាធិបតី Mahmoud Abbas៕

ប្រែសម្រួល៖ Vann Vann

ប្រភព៖ BBC

ចុចអាន៖ អ៊ីស្រាអែល ព្រមាន! ពលរដ្ឋជាង១លាននាក់ នៅហ្គាហ្សាភាគខាងជើង សល់ពេល២៤ម៉ោងប៉ុណ្ណោះ ត្រូវស្រូតចេញឲ្យលឿន