ក្រុមហាម៉ាស់ អះអាងថា ចំណាប់ខ្មាំង១៣នាក់ រួមទាំងជនបរទេសផងដែរ ត្រូវស្លាប់ ដោយសារអ៊ីស្រាអែល ទម្លាក់គ្រាប់បែកចំ 

ក្រុមហាម៉ាស់ អះអាងថា ចំណាប់ខ្មាំងចំនួន១៣នាក់ ត្រូវបានសម្លាប់ ក្នុងការវាយប្រហារតាមអាកាសរបស់អ៊ីស្រាអែល លើតំបន់ហ្គាហ្សាស្ទ្រីប។ អ្នក​ស្លាប់ក៏​រួម​មាន​ជន​បរទេស ផងដែរ។

ទោះបីជាយ៉ាងណាក៏ដោយ មិនទាន់មានការឆ្លើបតបណាមួយ ពីខាងភាគីអ៊ីស្រាអែលទេ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កន្លងមក អ៊ីស្រាអែលធ្លាប់និយាយថា មនុស្សរហូតដល់ទៅ១៥០នាក់ ត្រូវបានក្រុមសកម្មប្រយុទ្ធហាម៉ាស់ ចាប់ជាចំណាប់ខ្មាំង ដោយក្នុងនោះ មានច្រើននាក់ ត្រូវឃុំខ្លួននៅក្នុងរូងក្រោមដី។

ប៉ុន្មានថ្ងៃមុន ក្រុមហាម៉ាស់ក៏បានគំរាមសម្លាប់ចំណាប់ខ្មាំងផងដែរ ប្រសិនបើអ៊ីស្រាអែល ទម្លាក់គ្រាប់បែកលើផ្ទះជនស៊ីវិល ដោយមិនព្រមានជាមុន។

អ៊ីស្រាអែល​ បាន​ទម្លាក់​គ្រាប់​បែក​ម្តង​ហើយ​ម្តង​ទៀតលើ​តំបន់ ហ្គាហ្សាស្រ្ទីប ជា​ការ​ឆ្លើយ​តប​នឹង​ការ​វាយ​ប្រហារ​របស់​ក្រុម ហាម៉ាស់ កាល​ពី​ថ្ងៃ​សៅរ៍ សប្តាហ៍មុន។ ពួកគេនិយាយថា ពួកគេកំពុងកំណត់គោលដៅទៅលើក្រុមសកម្មប្រយុទ្ធហាម៉ាស់ មិនមែនកំណត់គោលដៅលើជនស៊ីវិលទេ៕

ប្រែសម្រួល៖ Vann Vann

ប្រភព៖ SKY

ចុចអាន៖ ក្រុមហាម៉ាស់ ប្រាប់ពលរដ្ឋហ្គាហ្សា កុំស្តាប់បញ្ជាជម្លៀសរបស់ អ៊ីស្រាអែល