ព័ត៌មានអន្ដរជាតិ

មនុស្សរាប់ពាន់នាក់កំពុងភៀសខ្លួនចេញពីភាគខាងជើងហ្គាហ្សា ក្រោយអ៊ីស្រាអែលព្រមាន

បានផុស

១ year មុន

នៅ

ថ្ងៃសៅរ៍ ១៤ តុលា ២០២៣

ដោយ

ប្រជាជនប៉ាឡេស្ទីនរាប់ពាន់នាក់កំពុងភៀសខ្លួនចេញពីភាគខាងជើង ឆ្ពោះទៅភាគខាងត្បូងនៃតំបន់ហ្គាហ្សាដើម្បីស្វែងរកកន្លែងជ្រកកោនចាប់ពីយប់ថ្ងៃសុក្រ ឈានចូលថ្ងៃសៅរ៍ ទី១៤ ខែតុលា ឆ្នាំ២០២៣នេះ បន្ទាប់ពីអ៉ីស្រាអែលបានព្រមានឲ្យជម្លៀសចេញមុនធ្វើការវាយប្រហារ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្រោយការព្រមានរបស់អ៉ីស្រាអែល មនុស្សរាប់ពាន់បានចាប់ផ្តើមជម្លៀសចេញ។ បន្ទាប់មកអ៉ីស្រាអែលបានចាប់ផ្តើមវាយឆ្មក់លើតំបន់នានានៅហ្គាហ្សា តាមការគ្រោងទុក ខណៈក្រុមហាម៉ាស់និយាយថា ការវាយប្រហារតាមអាកាសបានសម្លាប់មនុស្ស៧០នាក់ដែលពួកគេបានភៀសខ្លួនចេញពីទីក្រុង។

មន្ត្រីរបស់អង្គការសហប្រជាជាតិ (UN) បាននិយាយថា ទាហានអ៉ីស្រាអែលបានប្រាប់ពួកគេថា ការជម្លៀសប្រជាជនចេញគួរតែធ្វើក្នុងរយៈពេល២៤ម៉ោងខាងមុខ។ ទោះបីជាយ៉ាងណា មនុស្សប្រមាណ១.១លាននាក់ជិតពាក់កណ្តាលនៃប្រជាជន២.៤លាននាក់នៅ Gaza Strip មិនអាចអាចជម្រៀសទាន់ពេលវេលាទេ។

លោកនាយករដ្ឋមន្ត្រី Benjamin Netanyahu បានព្រមានថា ការទម្លាក់គ្រាប់បែកដ៏កាចសាហាវជិតមួយសប្តាហ៍គឺគ្រាន់តែជា «ការចាប់ផ្តើមប៉ុណ្ណោះ» ដើម្បីស្វែងរកការសងសឹកលើក្រុមសកម្មប្រយុទ្ធហាម៉ាស់ដែលបានសម្លាប់មនុស្សជាង ១៣០០នាក់ ក្នុងរយៈពេលជិតមួយសប្តាហ៍កន្លងទៅ។