ព័ត៌មានអន្ដរជាតិ

អ៊ីស្រាអែលបញ្ជូនរថក្រោះទៅតំបន់ហ្គាហ្សាមុនការវាយប្រហារពេញបន្ទុកកើតឡើង

បានផុស

១ year មុន

នៅ

ថ្ងៃសៅរ៍ ១៤ តុលា ២០២៣

ដោយ

ប្រទេសអ៉ីស្រាលបានបន្តបញ្ជូនសព្វាវុធ និងរថក្រោះទៅកាន់តំបន់ហ្គាហ្សាមុនពេលការវាយប្រហារពេញបន្ទុកកើតមាន ខណៈប្រជាជនប៉ាឡេស្ទីនរាប់នាក់កំពុងភៀសខ្លួនចេញពីភាគខាងជើងឆ្ពោះទៅភាគខាងត្បូងតំបន់ហ្គាហ្សា ក្រោយពេលអ៉ីស្រាអែលបានព្រមាន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តំបន់ហ្គាហ្សាកំពុងប្រឈមនឹងការវាយប្រហារដ៏អាក្រក់ បន្ទាប់ពីមនុស្សប្រមាណ១.២លាននាក់ត្រូវបានអ៉ីស្រាអែលប្រាប់ឲ្យចាកចេញ។

កាលពីម្សិលមិញ យន្តហោះគ្មានមនុស្សបើករបស់អ៉ីស្រាអែលបានទម្លាក់ខិត្តប័ណ្ណពេញមួយថ្ងៃដើម្បីប្រាប់ឲ្យពលរដ្ឋប៉ាឡេស្ទីនចាកចេញពីភាគខាងជើងតំបន់ហ្គាហ្សាក្នុងរយៈពេល២៤ម៉ោង បើពុំនោះទេប្រឈមនឹងគ្រោះថ្នាក់។

បន្ទាប់មកកម្លាំងការពារអ៉ីស្រាអែលបានចាប់ផ្តើមវាយឆ្មក់ជាលើកដំបូងរបស់ខ្លួនចូលក្នុងតំបន់ហ្ហ្គាហ្សា ដោយបានដាក់ពង្រាយគ្រឿងសព្វាវុធ និងរថក្រោះនៅមូលដ្ឋានសំខាន់ Merkava រួមជាមួយនឹងកម្លាំងថ្មើរជើងចូលទៅស្វែងរកចំណាប់ខ្មាំងរបស់ខ្លួនដែលត្រូវបានចាប់ដោយក្រុមសកម្មប្រយុទ្ធហាម៉ាស់កាលពីសប្តាហ៍មុន។

លោកនាយករដ្ឋមន្ត្រីអ៉ីស្រាអែល Benjamin Netanyahu បាននិយាយថា ប្រទេសនឹងមិនភ្លេចអំពើដ៏ឃោរឃៅនេះទេ និងបានព្រមានថា នេះគ្រាន់តែជាការចាប់ផ្តើមប៉ុណ្ណោះ។

ជាមួយគ្នានេះ រដ្ឋមន្ត្រីការជាតិអ៉ីស្រាអែល លោក Yoav Gallant បានបន្ថែមថា កម្លាំងការពាររបស់លោកនឹងលុបបំបាត់ក្រុមសកម្មប្រយុទ្ធហាម៉ាស់ចេញពីតំបន់ហ្គាហ្សា និងលុបបំបាត់ចេញពីផែនដី ហើយប៉ះពាល់ដល់ការផ្លាស់ប្តូរជាអចិន្ត្រៃយ៍នៅក្នុងបូរណភាពដែនដីនេះ៕