រថភ្លើងដឹកបន្លែផ្លែឈើ ចិន-ឡាវ និង ចិន-វៀតណាម ចាប់ផ្តើមដំណើរការ

រថភ្លើងដឹកទូរទឹកកកក្លាស្សេបន្លែផ្លែឈើចំនួន ២ ខ្សែកាលពីថ្ងៃចន្ទបានចាកចេញពីខេត្ត Yunan ភាគនិរតីនៃប្រទេសចិនទៅកាន់ប្រទេសឡាវ និងវៀតណាម ហើយវាក៏ជាការប្រារព្ធពិធីសម្ពោធសេវាកម្មរថភ្លើងនៅលើផ្លូវដែក ចិន-ឡាវ និងចិន-វៀតណាម ជាផ្លូវការផងដែរ ។

រថភ្លើងចំនួន ២ ខ្សែនេះ ចាប់ផ្តើមពីស្ថានីយ៍ Yanhe នៃទីក្រុង Yuxi ខេត្ត Yunnan ហើយត្រូវបានគេរំពឹងថា នឹងទៅដល់រដ្ឋធានីវៀងចន្ទន៍របស់ឡា និង Lao Cai របស់វៀតណាម បន្ទាប់ពីការធ្វើដំណើរក្នុងរយៈពេលប្រហែល ១ ថ្ងៃ ។

បច្ចុប្បន្ន ការធ្វើដំណើរគឺត្រូវបានធ្វើឡើងជារៀងរាល់ថ្ងៃពីទីក្រុង Kunming នៃខេត្ត Yunan ទៅកាន់ទីក្រុងវៀងច័ន្ទសម្រាប់សេវាកម្មរថភ្លើងដឹកទំនិញ ក៏ដូចជាបន្លែផ្លែឈើក្នុងទូរទឹកកក ចិន-ឡាវ ខណៈដែលការធ្វើដំណើររវាងទីក្រុង Kunming និង Lao Cai ត្រឹមតែ​មួយថ្ងៃប៉ុណ្ណោះក្នុងមួយសប្តាហ៍ ។

ពាក់ព័ន្ធនឹងបញ្ហានេះដែរ បើយោងតាមប្រតិបត្តិករសេវាកម្ម China Railway Kunming Bureau Group Co., Ltd បាននិយាយថា ការដឹកជញ្ជូនទំនិញនៅក្នុងសេវាកម្មរថភ្លើងរបស់យើង ក៏នឹងមានការបត់បែនទៅតាមតម្រូវការរបស់អតិថិជនផងដែរ ។

ចំណែកបើតាមរយៈ លោក Tao Qiang អនុប្រធាននាយកដ្ឋានដឹកជញ្ជូនទំនិញរបស់ក្រុមហ៊ុនបានឲ្យដែរថា សេវាកម្មដឹកជញ្ជូនទូរក្លាស្សេថ្មីរំពឹងនឹងប្រែមុខមាត់ក្រុមហ៊ុនបន្ថែទៀតនៅតាមបណ្តោយផ្លូវរថភ្លើងនេះ ៕

ប្រែសម្រួល៖ នាង រតនៈ

ប្រភព៖ Xinhua

ចុចអា​ន៖ កូនប្រុសរបស់លោក Joko Widodo មិនមានសិទ្ធិឈរឈ្មោះបោះឆ្នោតជា ប្រធានាធិបតី ឥណ្ឌូណេស៊ី