ព័ត៌មានអន្ដរជាតិ
វៀតណាមបញ្ជូនរថយន្ត ១៥០គ្រឿងទៅឡាវ ត្រៀមដាក់ដំណើរការសេវាតាក់ស៊ីអគ្គិសនី
ក្រុមហ៊ុនផលិតរថយន្តរបស់វៀតណាម (WinFast) បានបញ្ជូនរថយន្តចំនួន ១៥០គ្រឿងទៅកាន់ប្រទេសឡាវ ដើម្បីបើកដំណើរការសេវាតាក់ស៊ីអគ្គិសនី។ សកម្មភាពនេះត្រូវបានធ្វើឡើងតែប៉ុន្មានខែ បន្ទាប់ពីក្រុមហ៊ុនបានចាប់ផ្តើមសេវាកម្មដូចគ្នានេះនៅក្នុងប្រទេសរបស់ខ្លួន។

ក្រុមហ៊ុនផលិតរថយន្តក្នុងស្រុកដំបូងគេរបស់ប្រទេសវៀតណាមមួយនេះរំពឹងថា នឹងប្រកួតប្រជែងជាមួយក្រុមហ៊ុនរថយន្តអគ្គិសនីយក្សដូចជា Tesla និងកំពុងព្យាយាមវាយលុកទីផ្សារអន្តរជាតិ។ សេវាកម្មតាក់ស៊ីនៅប្រទេសឡាវ នឹងដំណើរការដោយក្រុមហ៊ុន Green and Smart Mobility JSC (GSM) ដែលមានក្រុមហ៊ុនមេដូចគ្នាជាមួយ WinFast គឺក្រុម ក្រុមហ៊ុន Win Group។

នាយកប្រតិបត្តិរបស់ក្រុមហ៊ុន GSM បាននិយាយថា៖ “ឡាវគឺជាចំណុចចាប់ផ្តើមដ៏ល្អសម្រាប់ (GSM) ក្នុងគោលបំណងលើកកំពស់រថយន្តអគ្គិសនីរបស់វៀតណាមទៅកាន់អ្នកប្រើប្រាស់ជុំវិញពិភពលោក”។ ការលើកឡើងបែបនេះ បន្ទាប់ពីបានដាក់ឱ្យដំណើរការសេវាកម្មតាក់ស៊ីអគ្គិសនីរបស់ Win Group ក្នុងប្រទេសវៀតណាម កាលពីខែមេសាកន្លងទៅ។

ក្រុមហ៊ុន Win Group ជាកម្មសិទ្ធិរបស់លោក Pham Nhat Vuong ជាមហាសេដ្ឋីដែលមានបំផុតរបស់វៀតណាមដែលបានបើកអាជីវកម្មជាច្រើនទៀត មានទាំងសណ្ឋាគារ អាផាតមិន រួមទាំងមន្ទីរពេទ្យនៅទូទាំងប្រទេស។ ប៉ុន្តែការពង្រីកខ្លួនជាអន្តរជាតិរបស់ WinFast នៅតែប្រឈមនឹងការលំបាក ពោលគឺនៅក្នុងឆមាសទីមួយនៃឆ្នាំ២០២៣នេះ ក្រុមហ៊ុន WinFast លក់បានរថយន្តចំនួន ១១,៣០០គ្រឿង ដែលក្នុងនោះរថយន្តចំនួន ៧,១០០គ្រឿងត្រូវបានទិញដោយក្រុមហ៊ុន GSM ៕
ប្រែសម្រួល៖ គង់ សំអាន
ប្រភព៖ Mgronline

-
ព័ត៌មានអន្ដរជាតិ១ ថ្ងៃ ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម៣ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ៥ ថ្ងៃ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ២ ថ្ងៃ ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៥ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៦ ថ្ងៃ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម១ ថ្ងៃ ago
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
សន្តិសុខសង្គម១៤ ម៉ោង ago
ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ