Connect with us

ព័ត៌មានអន្ដរជាតិ

៦០០ ថ្ងៃនៃសង្គ្រាម រុស្ស៊ី-អ៊ុយក្រែន ភាគីទាំងសងខាងសុទ្ធតែប្រកាសជ័យ​ជម្នះរៀងៗខ្លួន

បានផុស

នៅ

កាលពីថ្ងៃចន្ទ ទី១៦ ខែតុលា គឺជាថ្ងៃទី ៦០០ ហើយ ចាប់តាំងពីរុស្ស៊ីបើកប្រតិបត្តិការសឹកទៅលើអ៊ុយក្រែន ខណៈរហូតមកដល់ពេលនេះការប្រយុទ្ធគ្នាដ៏ខ្លាំងក្លានៅតែបន្តកើតមានឡើង ប៉ុន្តែភាគីទាំងសងខាងក៏សុទ្ធតែប្រកាសពីជ័យជម្នះរៀងៗខ្លួនផងដែរ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អាជ្ញាធរអ៊ុយក្រែនបាននិយាយថា មនុស្ស ៦ នាក់ត្រូវបានសម្លាប់នៅក្នុងការវាយប្រហារជាបន្តបន្ទាប់ដោយកងកម្លាំងរុស្ស៊ីនៅតំបន់ភាគខាងត្បូងនៃទីក្រុង Kherson និងតំបន់ភាគខាងកើតនៃទីក្រុង Kharkov និង Donetsk ក្នុងរយៈពេល ២៤ ម៉ោងកាលពីថ្ងៃចន្ទ ។

ទន្ទឹមនោះ ទីភ្នាក់ងារសង្គ្រោះបន្ទាន់របស់ប្រទេសអ៊ុយក្រែនក៏បានរាយការណ៍ផងដែរថា ក្មេងប្រុសអាយុ ១៤ ឆ្នាំម្នាក់ត្រូវបានស្លាប់ ដោយសារជាន់មីននៅតំបន់ភាគខាងត្បូងនៃទីក្រុង Mykolaiv ខណៈពលរដ្ឋម្នាក់ទៀតក៏បានស្លាប់ដូចគ្នាក្នុងការផ្ទុះមួយនៅតំបន់ភាគខាងជើងនៃទីក្រុង Chernihiv ហើយសរុបមកមនុស្ស ២៤៨ នាក់បានស្លាប់ និង ៥២៥ នាក់បានរងរបួស ដោយសារគ្រឿងផ្ទុះរបស់រុស្ស៊ី ។

ប្រធានាធិបតីរុស្ស៊ី លោក វ្ល៉ាឌីមៀរ ពូទីន បាននិយាយកាលពីថ្ងៃចន្ទថា ការវាយលុករបស់អ៊ុយក្រែនមិនបានសម្រេចដូចការលើកឡើងនោះទេ គឺទទួលរងបរាជ័យទាំងស្រុង ។ មិនតែប៉ុណ្ណោះ កងកម្លាំងរុស្ស៊ីក៏កំពុងសម្រេចឈានទៅដល់ទីតាំងរបស់ពួកគេនៅក្នុងតំបន់ Kharkiv និង Donetsk ក៏ដូចជានៅក្នុងតំបន់ភាគខាងត្បូងនៃទីក្រុង Zaporizhzhia ផងដែរ ។

ប៉ុន្តែនៅថ្ងៃដដែលនោះ កងកម្លាំងអ៊ុយក្រែនបែរជាអះអាងផ្ទុយពីលោក ពូទីន ទៅវិញ ។ កងទ័ពអ៊ុយក្រែនបានលើកឡើងថា ពួកគេនៅតែបន្តប្រតិបត្តិការវាយបកទៅតាមផែនការគ្រោងទុកដែលរៀបចំឡើងតាំងតែពីដើមខែមិថុនាមក ហើយបាននឹងកំពុងកម្ចាត់កងកម្លាំងរុស្ស៊ីនៅតាមបណ្តោយជួរមុខទាំងនោះផងដែរ ។

គួរបញ្ជាក់ថា រហូតមកដល់ពេលនេះ សង្គ្រាមរវាងរុស្ស៊ី និងអ៊ុយក្រែនដែលផ្ទុះឡើងកាលពីថ្ងៃទី២៤ ខែកុម្ភៈ ឆ្នាំ២០២២ នៅតែបន្តអូសបន្លាយពេល និងមិនមានសញ្ញាថមថយណាមួយឡើយ ខណៈសហរដ្ឋអាមេរិក និងសម្ព័ន្ធមិត្តក៏បានផ្ដល់កញ្ចប់ជំនួយយោធាទៅឲ្យរដ្ឋាភិបាលទីក្រុងកៀវក្នុងតម្លៃរាប់រយពាន់លានដុល្លារផងដែរ ៕

ប្រែសម្រួលដោយ ៖ ជីវ័ន្ត

ប្រភព ៖ NHK

ចុចអាន ៖ រុស្ស៊ី ថា ក្រឡាដើររបស់ អាមេរិក កំពុងអូសស្ថានភាពសន្តិសុខនៅមជ្ឈិម បូព៌ាឈានដល់ចំណុចគ្មានថ្ងៃវិលត្រលប់ដូចដើមវិញ

Helistar Cambodia - Helicopter Charter Services
Sokimex Investment Group
ព័ត៌មានជាតិ២ នាទីutes មុន

SchneiTec ​ នឹងធ្វើការកៀរគរទុនប្រមាណ ៥០ ដុល្លារពីការបោះផ្សាយសញ្ញាបណ្ណបៃតងពី CSX

ព័ត៌មានជាតិ៦ នាទីutes មុន

ចូលឆ្នាំខ្មែរ៖ គណៈកម្មាធិការជាតិប្រយុទ្ធប្រឆាំងអំពើជួញដូរមនុស្ស ឱ្យរួមគ្នាបញ្ជ្រាបសារទប់ស្កាត់អំពើជួញដូរមនុស្ស

កីឡា១៥ នាទីutes មុន

ចេញទៅ អាមេរិក លើកនេះ គុនខ្មែរ នឹងចាប់ដៃស្ថាប័ន WCK ប្រកួតច្បាប់គុនខ្មែរ

ព័ត៌មានជាតិ២១ នាទីutes មុន

គិតត្រឹមពេលនេះ មានពលករខ្មែរ ០១ នាក់ ស្លាប់ និង ០១ នាក់ទៀត រងរបួស ដោយការរញ្ជួយដីក្នុងប្រទេសថៃ

សេដ្ឋកិច្ច២៦ នាទីutes មុន

រដ្ឋមន្ត្រីណែនាំឱ្យរក្សាតម្លៃផលិតផលទេសចរណ៍សមរម្យ​ នាឱកាសបុណ្យចូលឆ្នាំថ្មី

Sokha Hotels

ព័ត៌មានពេញនិយម