ទីបំផុត ក្រុមហាម៉ាស់ បញ្ចេញវីដេអូដំបូង បង្ហាញពីស្ថានភាពចំណាប់ខ្មាំង

នៅទីបំផុតសម្ព័ន្ធចលនាហាម៉ាស់គឺកងពលតូច al-Qassam បានបញ្ចេញវីដេអូមួយ  បង្ហាញពីចំណាប់ខ្មាំងម្នាក់ ដែលក្រុមនេះ ចាប់ទៅពីអ៊ីស្រាអែល ហើយកំពុងឃុំខ្លួននៅតំបន់ហ្គាហ្សា។

នេះគឺជាវីដេអូចំណាប់ខ្មាំងទី១ ដែលត្រូវបានបញ្ចេញដោយចលនាហាម៉ាស់ បន្ទាប់ពីក្រុមសកម្មប្រយុទ្ធនេះ វាយប្រហារប្រទេសអ៊ីស្រាអែលកាលពីថ្ងៃទី៧ខែតុលា។ អ៊ីស្រាអែល​និយាយ​ថា មនុស្សចំនួន១៩៩នាក់ ​កំពុង​ត្រូវ​បាន​ឃុំឃាំង​នៅ​ហ្គាហ្សា។

ក្នុង​វីដេអូ​នោះ នារី​​ម្នាក់​និយាយ​ថា ​នាង​ឈ្មោះ Maya Shem ​អាយុ២១ឆ្នាំ មក​ពីទីប្រជុំជន Shoham ក្នុង​ប្រទេស​អ៊ីស្រាអែល។ នាងនិយាយថា នាងត្រូវក្រុមហាម៉ាស់ចាប់ធ្វើជាចំណាប់ខ្មាំងនៅឯពិធីជប់លៀងមួយក្នុងប្រទេសអ៊ីស្រាអែល ហើយបានអង្វរករសុំឲ្យជួយរំដោះនាង។

ក្នុងវីដេអូនោះ ក៏មានបង្ហាញ​ទាំង​វីដេអូ​ស្ត្រី​ដដែលនេះ ​ទទួល​ការ​ព្យាបាល​របួស​ដៃផងដែរ។

យោងតាមសេចក្តីថ្លែងការណ៍មួយ, កងកម្លាំងការពារអ៊ីស្រាអែល (IDF) បានបញ្ជាក់ថា Maya ពិតជាត្រូវបានចាប់ជាចំណាប់ខ្មាំងដោយក្រុមហាម៉ាស់មែន ហើយនិយាយថា ពួកគេកំពុងទាក់ទងជាមួយគ្រួសាររបស់នាង៕

សូមទស្សនាវីដេអូ៖

ប្រែសម្រួល៖ Vann Vann

ប្រភព៖ BBC

ចុចអាន៖ លោក បៃដិន នឹងក្លាយ ជា ប្រមុខរដ្ឋ ដំបូងគេ ដែលធ្វើ ទស្សនកិច្ច អ៊ីស្រាអែល ចាប់តាំងពីសង្គ្រាមជាមួយក្រុមហាម៉ាស់ ផ្ទុះឡើង