ណាសា ជោគជ័យបាញ់បង្ហោះយានអវកាស ទៅកាន់អាចម៍ផ្កាយ ដែលមានតម្លៃ សមល្មមឲ្យមនុស្សមួយផែនដី ក្លាយជាមហាសេដ្ឋី

អង្គការណាសា បានចាប់ផ្តើមបេសកកម្មដោយជោគជ័យ ដើម្បីទៅរុករកអាចម៍ផ្កាយមួយ ដែលគេជឿថា តម្លៃរបស់វា អាចធ្វើឲ្យមនុស្សគ្រប់រូបនៅលើផែនដី ក្លាយជាមហាសេដ្ឋីបាន។

កាលពីឆ្នាំមុន ទីភ្នាក់ងារអវកាសបានបញ្ជាក់ថា ខ្លួនគ្រោងនឹងរុករកអាចម៍ផ្កាយ 16 Psyche ដែលផ្សំឡើងពីលោហធាតុស្រដៀងនឹងវត្ថុនៅក្នុងស្នូលនៃភពផែនដីយើងផ្ទាល់ ដូចជាដែក នីកែល និងមាសជាដើម។

ចន្លោះពី ៣០ ទៅ ៦០% នៃបរិមាណសរុបរបស់អាចម៍ផ្កាយ Psyche ត្រូវបានគេគិតថា បង្កើតឡើងនៅលើលោហៈ ដែលផ្តល់ឲ្យវានូវតម្លៃប៉ាន់ស្មានប្រមាណ ១០ ០០០ ពាន់កោដិដុល្លារ ។

អ្នកស្រាវជ្រាវបានឲ្យដឹងថា បើសិនជាគេយកមាសរបស់អាចម៍ផ្កាយនេះមកចែកស្មើៗគ្នាដល់មនុស្សទាំងអស់លើពិភពលោក មនុស្សម្នាក់ៗនឹងទទួលបានទ្រព្យស្មើនឹង ១ ៤០០ លានដុល្លារ។

ឥឡូវនេះ បេសកកម្មរុករកអាចម៍ផ្កាយ បានដំណើរការដោយជោគជ័យហើយ បន្ទាប់ពីយាន SpaceX Falcon Heavy ហោះចេញពីស្ថានីយ Space Launch Complex 39A កាលពីប៉ុន្មានថ្ងៃមុន។

ទោះបីជាយ៉ាងណាក៏ដោយ អង្គការ ណាសា មិនមានគម្រោងប្រមូលលោហៈដ៏មានតម្លៃទាំងនោះមកវិញទេ ដោយណាសា ធ្វើដំណើរទៅកាន់អាចម៍ផ្កាយនេះ ដើម្បីតែសិក្សាអំពីស្នូលភព និងរបៀបបង្កើតភពប៉ុណ្ណោះ។

យានអវកាសនេះ នឹងត្រូវធ្វើដំណើរក្នុងចម្ងាយ៣.៥ពាន់លានគីឡូម៉ែត្រ ដើម្បីទៅដល់អាចម៍ផ្កាយ ហើយមិនត្រូវបានគេរំពឹងថានឹងទៅដល់ 16 Psyche ទេ រហូតដល់ខែកក្កដា ឆ្នាំ ២០២៩ឯណោះ៕

សូមទស្សនាវីដេអូ៖

ប្រែសម្រួល៖ Vann Vann

ប្រភព៖ JOE

ចុចអាន៖ ឆ្នាំនេះ ណាសា បញ្ជូនយានឆ្ពោះទៅ អាចម៍ផ្កាយសម្បូរលោហធាតុ ដែលសមល្មមឲ្យមនុស្សមួយផែនដី ក្លាយជាមហាសេដ្ឋី