ថៃ បន្ថែមទិដ្ឋាការស្នាក់នៅឥតគិតថ្លៃដល់ទេសចរ រុស្ស៊ី រហូត ៩០ ថ្ងៃ

ប្រទេសថៃបានបន្ថែមរយៈពេលស្នាក់នៅដល់ទេសចរ​ជនជាតិរុស្ស៊ី​ពី​​ ៣០ ថ្ងៃរហូតដល់ ៩០ ថ្ងៃដោយមិនចាំបាច់មានទិដ្ឋាការ ចាប់ផ្តើមពី​ថ្ងៃទី១ ខែវិច្ឆិកា ឆ្នាំ២០២៣ ដល់ថ្ងៃទី៣០ ខែមេសា ឆ្នាំ២០២៤ ​។

​នាយករដ្ឋមន្ត្រីថៃលោក សេដ្ឋា ថាវីស៊ីន បាននិយាយថា គោលនយោបាយនេះបង្កើតឡើងគឺដើម្បីទទួលភ្ញៀវទេសចររុស្ស៊ីដែលមកលេងប្រទេសថៃ ក្នុងអំឡុងពេលរុស្ស៊ីជួបរដូវរងា ដែលនឹងរំកិលចូលមកចន្លោះពីខែធ្នូដល់ខែមីនា ។

ស្របពេលជាមួយគ្នានេះ ការលើកលែងទិដ្ឋាការលើទេសចររុស្ស៊ីក៏កើតមានឡើង ដោយសារតែរុស្ស៊ីគឺជាទីផ្សារទេសចរណ៍ដ៏ធំបំផុតមួយរបស់ប្រទេសថៃ រួមជាមួយនឹងប្រទេសម៉ាឡេស៊ី ចិន កូរ៉េខាងត្បូង និងឥណ្ឌាជាដើម ។

យោងតាមទិន្នន័យពីក្រសួងទេសចរណ៍ និងកីឡាថៃបានឲ្យដឹងថា មានជនជាតិរុស្សីជាង ៩១ ម៉ឺននាក់បានទៅលេងប្រទេសថៃរួចហើយនៅឆ្នាំនេះ ធៀបនឹងគោលដៅពេញមួយឆ្នាំដែលមានចំនួន ១ លាននាក់ ។

គួរបញ្ជាក់ថា គោលនយោបាយ​លើកលែងទិដ្ឋាការនេះ​ ថៃ​ក៏បានអនុវត្តដូចគ្នាសម្រាប់ជនជាតិចិន និងកាហ្សាក់ស្ថាន​ដែលមានរយៈពេល ៣០ ថ្ងៃ ខណៈរយៈពេល ៩ ខែកន្លងមកនេះ ថ្ងៃ​ទទួលបានទេសចរបរទេសក្នុងចំនួនជាង ​២០ លាននាក់​រួចទៅហើយ ៕

ប្រែសម្រួល៖ នាង រតនៈ

ប្រភព៖ The Nation

ចុចអាន៖ ទេសចរចិន បាត់ទំនុកចិត្តលើប្រទេសថៃ