ព័ត៌មានអន្ដរជាតិ
តើក្រុមហាម៉ាស់ បានលុយពីណា?
រំលឹកកាលពីថ្ងៃទី៧ខែតុលា ក្រុមសកម្មប្រយុទ្ធហាម៉ាស់ជាង ១៥០០នាក់ បានសម្រុកចូលតាមរបាំងសន្តិសុខហ្គាហ្សា ដើម្បីបើកការវាយប្រហារលើអ៊ីស្រាអែល។
ពួកគេបានប្រើប្រាស់សព្វាវុធទំនើបៗ បើទោះបីជាតំបន់ហ្គាហ្សាដែលគ្រប់គ្រងដោយក្រុមហាម៉ាស់ គឺជាតំបន់ក្រីក្រ និងមានមនុស្សរស់នៅច្រើន ជាមួយធនធានមានកម្រិត ក៏ដោយ។
ប៉ុន្តែបញ្ហាដែលគួរឲ្យបារម្ភនៅទីនោះគឺថា សព្វាវុធទំនើបៗ មាននៅពេញឃ្លាំងរបស់ក្រុមនេះ ដែលជាក្រុម ត្រូវបានប្រទេសរាប់សិប ចាត់ទុកជាអង្គការភេរវកម្ម។
ដូចនេះ តើក្រុមហាម៉ាស់បានលុយពីណា?
ប្រទេសជាច្រើនរួមទាំងសហរដ្ឋអាមេរិក និងចក្រភពអង់គ្លេសផងដែរ បានចាត់ទុកក្រុមហាម៉ាស់ ជាអង្គការភេរវកម្ម។
ការចាត់ទុកបែបនេះមានន័យថា ការផ្តល់ជំនួយឬផ្គត់ផ្គង់សម្ភារដល់អង្គការទាំងនោះ រួមទាំងការស្ម័គ្រចិត្តចូលរួមជាមួយពួកគេផងដែរ គឺត្រូវបានចាត់ទុកថាជាសកម្មភាពឧក្រិដ្ឋ។
តាមការចុះផ្សាយរបស់គេហទំព័រ WION បានឲ្យដឹងថា អ៊ីរ៉ង់ ជាប្រទេសដែលគេសន្មត ផ្តល់ហិរញ្ញប្បទានដល់ក្រុមហាម៉ាស់ ពោលគឺទីក្រុង តេហេរ៉ង់ ជួយមូលនិធិប្រហែល៧០ភាគរយឯណោះ។ គេក៏សង្ស័យដែរថា អ៊ីរ៉ង់ ជួយទាំងជំនួយយោធាដល់ក្រុមហាម៉ាស់ទៀតផង។
លើសពីនេះ ជនជាតិប៉ាឡេស្ទីននៅបរទេស និងម្ចាស់ជំនួយឯកជននៅទូទាំងពិភពលោកក៏បានផ្តល់មូលនិធិជាច្រើនដល់ចលនាហាម៉ាស់ផងដែរ។
របាយការណ៍ខាងលើអះអាងថា ពួកគេក៏បានទទួលប្រាក់តាមរយៈអង្គការសប្បុរសធម៌ឥស្លាមមួយចំនួននៅលោកខាងលិច តាមរយៈក្រុមសេវាសង្គមដែលគាំទ្រដោយក្រុមហាម៉ាស់ដែរ។
ក្រៅពីអ៊ីរ៉ង់ តួកគីក៏បានគាំទ្រក្រុមហាម៉ាស់ផងដែរ ជាពិសេសបន្ទាប់ពីការឡើងកាន់អំណាចរបស់លោកប្រធានាធិបតី Recep Tayyip Erdogan ក្នុងឆ្នាំ២០០២។
តួកគីត្រូវបានគេចោទប្រកាន់ពីបទផ្តល់ថវិកាដល់ពួកសកម្មប្រយុទ្ធហាម៉ាស់ តាមរយៈជំនួយដែលបង្វែរពីទីភ្នាក់ងារសហប្រតិបត្តិការ និងសម្របសម្រួលតួកគី។ ប៉ុន្តែតួកគីនិយាយថា ខ្លួនគ្រាន់តែគាំទ្រចលនានយោបាយប៉ុណ្ណោះ៕
ប្រែសម្រួល៖ Vann Vann
ប្រភព៖ WION
រូបភាពរលំបាក់អគារគួររន្ធត់នៅថៃ ប៉ុន្តែអាជ្ញាធរបញ្ជាក់ថា ចំនួនអ្នកស្លាប់មាន៩នាក់ដល់ពេលនេះ
រហូតដល់ពេលនេះ មីយ៉ាន់ម៉ារកឃើញអ្នកស្លាប់និងរបួសជិត៩០០នាក់ក្នុងគ្រោះរញ្ជួយដី
ក្រុមហ៊ុនបច្ចេកវិទ្យាទំនើបចិន ប្ដេជ្ញាជំរុញកម្មវិធីសិក្សា TVET កម្ពុជា ឱ្យស្របតាមស្តង់ដារសិក្សានៃប្រទេសចិន និងអាល្លឺម៉ង់
មន្ត្រីក្រសួងសេដ្ឋកិច្ច ៖ ម្ចាស់អាជីវកម្ម ដែលប្រឈមហានិភ័យ ត្រូវមានធានារ៉ាប់រងសម្រាប់អាជីវកម្មខ្លួន
តើគ្រោះរញ្ជួយដីកើតនៅមីយ៉ាន់ម៉ាប៉ះពាល់និងជះឥទ្ធិពលដល់ណាខ្លះ?
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
ការខូចខាតបឋម ព្រោះគ្រោះរញ្ជួយដីដ៏ខ្លាំងក្លាដែលវាយប្រហារអាស៊ីអាគ្នេយ៍
នាយករដ្ឋមន្ត្រីថៃ ដាក់ចេញបទបញ្ជាបន្ទាន់ដើម្បីគ្រប់គ្រង់គ្រោះរញ្ជួយដី
-
ព័ត៌មានអន្ដរជាតិ៩ ម៉ោង agoកម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម២ ថ្ងៃ agoករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ៤ ថ្ងៃ agoរដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ១៩ ម៉ោង agoបងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៤ ថ្ងៃ agoសត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
កីឡា១ សប្តាហ៍ agoកញ្ញា សាមឿន ញ៉ែង ជួយឲ្យក្រុមបាល់ទះវិទ្យាល័យកោះញែក យកឈ្នះ ក្រុមវិទ្យាល័យ ហ៊ុនសែន មណ្ឌលគិរី
-
ព័ត៌មានអន្ដរជាតិ៥ ថ្ងៃ agoពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
ព័ត៌មានអន្ដរជាតិ៣ ថ្ងៃ agoតើជោគវាសនារបស់នាយករដ្ឋមន្ត្រីថៃ «ផែថងថាន» នឹងទៅជាយ៉ាងណាក្នុងការបោះឆ្នោតដកសេចក្តីទុកចិត្តនៅថ្ងៃនេះ?