ថៃ ជួបព្យុះភ្លៀងដ៏ធំមួយ

នាយកដ្ឋានឧតុនិយមថៃរាយការណ៍ថា ព្យុះភ្លៀងដ៏ធំមួយ​ បានវាយប្រហាប្រទេសថៃនៅថ្ងៃពុធ ទី១៨ ខែតុលានេះ ខណៈភ្លៀងធ្លាក់ខ្លាំង ក៏បន្តធ្លាក់ឥតឈប់នៅតំបន់ភាគខាងជើង តំបន់កណ្តាល និងតំបន់ទីប្រជុំជននៃទីក្រុងបាងកក ផងដែរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លើសពីនេះ ក្នុងរយៈពេល២៤ម៉ោងបន្ទាប់ អាកាសធាតុត្រជាក់នឹងនៅតែបន្តគ្របដណ្តប់លើភាគខាងជើង ឦសាន និងតំបន់កណ្តាល ហើយក៏មានបាតុភូតព្យុះផ្គររន្ទះផងដែរ។

នៅភាគខាងជើង ៣០%នៃតំបន់នឹងជួបប្រទះព្យុះភ្លៀងដ៏ធំមួយ ដែលភាគច្រើននៅខេត្ត Mae Hong Son, Chiang Mai, Lampoon និងខេត្ត Tak។

ដោយឡែកនៅភូមិភាគឦសាន្ត នឹងជួបប្រទះផ្គររន្ទះនៅក្នុងតំបន់របស់ខ្លួនប្រមាណ១០% ពិសេសនៅក្នុងខេត្ត Amnat Charoen, Sisaket និង Ubon Ratchathani។

សម្រាប់ភាគកណ្តាល, ៣០%នៃតំបន់ជាពិសេសខេត្ត Nakhon Sawan, Uthai Thani, Kanchanaburi, Ratchaburi, Samut Songkhram និងខេត្ត Samut Sakhon នឹងប្រឈមមុខជាមួយព្យុះភ្លៀងដ៏ធំមួយដូចគ្នា៕

ប្រែសម្រួល៖ Vann Vann

ប្រភព៖ Thaiger

ចុចអាន៖ ថៃ ជួបព្យុះ វាយប្រហារ៣៥ខេត្ត ខណៈ បាងកក នឹងរងឥទ្ធិពលខ្លាំងជាងគេ