បុរស កេនយ៉ា ជួយគេឈ្នះក្ដី ២៦ ដង ចុងក្រោយទើបដឹងការពិតថា ជាមេធាវីក្លែងក្លាយសោះ

ថ្មីៗនេះអាជ្ញាធរកេនយ៉ាចាប់ខ្លួនបុរសម្នាក់ ពីបទក្លែងបន្លំធ្វើជាមេធាវី ដោយលួចអត្តសញ្ញាណរបស់មេធាវីពិតប្រាកដ ប៉ុន្តែបុរសរូបនេះធ្លាប់តតាំងឈ្នះក្ដីដល់ទៅ ២៦ ជាប់ៗគ្នា ។

មេធាវីក្លែងក្លាយនោះប្រើឈ្មោះមេធាវីពិតប្រាកដ Brian Mwenda Ntwiga បានឈ្នះក្ដីចំនួន ២៦ ដងទាំងមិនដែលទទួលការរៀនសូត្រសោះ ។

នៅពេលនោះ Mwenda ទទួលបានការគាំទ្រ និងកោតសរសើរជាច្រើនពីសំណាក់មហាជនថាមានសមត្ថភាព និងពូកែទៅវិញ ។ មិនតែប៉ុណ្ណោះ មេធាវីក្លែងក្លាយខាងលើថែមទាំងចេញវីដេអូការពារខ្លួនតាមបណ្ដាញសង្គម X ទៀតផង ។

ទោះយ៉ាងណា សមាគមមេធាវីនៃប្រទេសកេនយ៉ា Nairobi បានធ្វើការចាប់ខ្លួនលោក Mwenda បន្ទាប់ពីដឹងថា គាត់ជាមេធាវីគ្មានអាជ្ញាប័ណ្ណត្រឹមត្រូវឡើយ ។

គួរជម្រាបថា ការពិតត្រូវបានលាតត្រដាង នៅដែលពេលលោក Brian Mwenda Ntwiga មែនទែនបានទាក់ទងសមាគមមេធាវីនៃប្រទេសកេនយ៉ា ព្រោះគាត់មិនអាចចូលគណនីអនឡាញបាន ដោយគ្រាន់តែដឹងថា ព័ត៌មានលម្អិតរបស់គាត់ត្រូវបានគេលួចប្តូរបាត់ទៅហើយ ៕

Another of the man’s supporters is Mike Sonko, Nairobi’s controversial former governor, posted a video with the man on X.

ប្រែសម្រួល៖ វារី

ប្រភព៖ nzherald

ចុចអាន៖ មុនអាចប្រកបវិជ្ជាជីវៈមេធាវីបាន តើត្រូវទទួលការបណ្ដុះបណ្ដាលនៅស្ថាប័នណា?