ព័ត៌មានអន្ដរជាតិ
អ៊ីស្រាអែល ថា បើក្រុមហាម៉ាស់មិនលែងចំណាប់ខ្មាំងទេ គ្រាប់បែករាប់រយតោននឹងបន្តធ្លាក់លើតំបន់ហ្គាហ្សា
រដ្ឋមន្ត្រីសន្តិសុខជាតិអ៊ីស្រាអែល លោក Itamar Ben-Gvir បាននិយាយកាលពីថ្ងៃអង្គារថា ប្រសិនបើក្រុមប្រដាប់អាវុធប៉ាឡេស្ទីនហាម៉ាស់មិនព្រមដោះលែងចំណាប់ខ្មាំងទេនោះ គ្រាប់បែករាប់រយតោននឹងទម្លាក់ជាបន្តបន្ទាប់ទៅលើតំបន់ហ្គាហ្សាស្ទ្រីប ។

រដ្ឋមន្ត្រីសន្តិសុខជាតិរូបនេះបញ្ជាក់ទៀតថា “ដរាបណាចលនាប៉ាឡេស្ទីនហាម៉ាស់មិនដោះលែងចំណាប់ខ្មាំងទេ អ្វីដែលតំបន់ហ្គាហ្សាស្ទី្របទទួលបាននោះ គឺជាគ្រាប់បែក ក៏ដូចជាគ្រឿងផ្ទុះរាប់រយតោនទម្លាក់ពីកងកម្លាំងដែនអាកាស មិនមែនជាជំនួយមនុស្សធម៌ស្អីនោះទេ” ។
ការលើកឡើងរបស់លោក Ben-Gvir កើតឡើងតែប៉ុន្មានម៉ោងប៉ុណ្ណោះ បន្ទាប់ពីអ៊ីស្រាអែលបើកការវាយប្រហារតាមអាកាសលើមន្ទីរពេទ្យ Al-Ahli ក្នុងតំបន់ហ្គាហ្សា ដោយបានសម្លាប់ជនស៊ីវិលប៉ាឡេស្ទីនជាង ៥០០ នាក់ និង ៩០០ នាក់ផ្សេងទៀតរងរបួស ។

គួរបញ្ជាក់ថា ភាពតានតឹងបានផ្ទុះឡើងសារជាថ្មីនៅមជ្ឈិមបូព៌ា នៅពេលដែលក្រុមហាម៉ាស់បានបើកការវាយប្រហារមកលើទឹកដីអ៊ីស្រាអែលចេញពីតំបន់ហ្គាហ្សាស្ទ្រីបកាលពីព្រឹកព្រលឹមថ្ងៃទី៧ ខែតុលា ដោយបានសម្លាប់មនុស្សជាង ១,៤០០ នាក់ ដែលភាគច្រើនជាជនស៊ីវិល ។
ចំណែកនៅតំបន់ហ្គាហ្សាវិញ ក្រសួងសុខាភិបាលដែលគ្រប់គ្រងដោយក្រុមហាម៉ាស់បាននិយាយថា ការឆ្លើយតបរបស់អ៊ីស្រាអែលបានសម្លាប់មនុស្សប្រហែល ៣,៥០០ នាក់ ហើយក្នុងនោះមានក្រុមសកម្មប្រយុទ្ធហាម៉ាស់ប្រហែល ១,៥០០ នាក់នៅក្នុងទឹកដីអ៊ីស្រាអែល ខណៈមនុស្សជិត ១១,០០០ នាក់បានរងរបួស ៕

ប្រែសម្រួលដោយ ៖ ជីវ័ន្ត
ប្រភព ៖ Sputnik
ចុចអាន ៖ ក្រុមហាម៉ាស់ ចាយពេល ៤ ឆ្នាំទើបរៀបបានក្បួនវាយប្រហារ អ៊ីស្រាអែល

-
ព័ត៌មានអន្ដរជាតិ១ ថ្ងៃ ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម៣ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ៥ ថ្ងៃ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ២ ថ្ងៃ ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៥ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៦ ថ្ងៃ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម១ ថ្ងៃ ago
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
សន្តិសុខសង្គម១៤ ម៉ោង ago
ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ