អាមេរិក ចេញការព្រមាន ហាមធ្វើដំណើរទៅប្រទេស លីបង់

សហរដ្ឋអាមេរិក បានចេញការព្រមាន ហាមធ្វើដំណើរទៅកាន់ប្រទេសលីបង់ ដោយលើកឡើងពីស្ថានភាពសន្តិសុខ ទាក់ទងនឹងការបាញ់រ៉ុកកែត មីស៊ីល និងកាំភ្លើងធំដាក់គ្នា រវាងអ៊ីស្រាអែល និងក្រុមសកម្មប្រយុទ្ធលីបង់ ហេសបូឡា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ភាព​តានតឹង​រវាង​អ៊ីស្រាអែល និង​ក្រុម​សកម្មប្រយុទ្ធ ហេសបូឡា បាន​កើន​ឡើងខ្លាំង ​ក្នុងរយៈពេល​ប៉ុន្មាន​ថ្ងៃ​មកនេះ ចាប់​តាំង​ពី​ក្រុម ហាម៉ាស់ ​បើក​ការ​វាយ​ប្រហារ​របស់​ខ្លួន​លើ​អ៊ីស្រាអែល។

ទាំងអ៊ីស្រាអែល និងលីបង់ សុទ្ធតែបានជម្លៀសប្រជាពលរដ្ឋចេញពីសហគមន៍នៅជិតព្រំដែន ចំពេលមានការភ័យខ្លាចអំពីការររីកធំនៃជម្លោះ។

ស្របពេលជាមួយគ្នានោះដែរ កាលពីល្ងាចថ្ងៃអង្គារ បាតុករដែលខឹងសម្បាចំពោះការបាញ់មីស៊ីលលើមន្ទីរពេទ្យ ហ្គាហ្សា បានដុតភ្លើងនៅខាងក្រៅស្ថានទូតអាមេរិកក្នុងរដ្ឋធានី បេរូត នៃប្រទេសលីបង់។

តាមរបាយការណ៍របស់ Reuters, ឧស្ម័នបង្ហូរទឹកភ្នែក ក៏ត្រូវបានបាញ់ទៅលើហ្វូងមនុស្ស ដើម្បីឲ្យពួកគេបំបែកគ្នាផងដែរ៕

ប្រែសម្រួល៖ Vann Vann

ប្រភព៖ BBC

ចុចអាន៖ ប្រមុខ UN ថ្កោលទោសការវាយប្រហារលើមន្ទីរពេទ្យហ្គាហ្សា រួចអំពាវនាវ២យ៉ាង