ព័ត៌មានអន្ដរជាតិ
អាមេរិក រៀបផែនការប្រើកម្លាំងយោធា បើអ៊ីរ៉ង់ លូកដៃ ក្នុងសង្គ្រាមអ៊ីស្រាអែល
ប្រធានគណៈកម្មាធិការកិច្ចការបរទេសនៃរដ្ឋសភាអាមេរិក លោក Michael McCaul បាននិយាយកាលពីថ្ងៃអង្គារទី១៧ខែតុលាថា គណៈកម្មាធិការរបស់គាត់ កំពុងរៀបចំច្បាប់ដើម្បីបើកភ្លើងខៀវដល់កម្លាំងយោធាអាមេរិកនៅមជ្ឈិមបូព៌ា ប្រសិនបើជម្លោះរវាងអ៊ីស្រាអែល និងក្រុមហាម៉ាស់ ក្លាយជាសង្គ្រាមប្រូកស៊ីកាន់តែធំជាមួយអ៊ីរ៉ង់។
ទោះបីជាយ៉ាងណាក៏ដោយ អ្នកសាធារណរដ្ឋនៃរដ្ឋតិចសាស់រូបនេះ មិននិយាយទេថាតើ សេតវិមានបានស្នើឲ្យគណៈកម្មាធិការរបស់គាត់ បង្កើតផែនការសម្រាប់ការអនុញ្ញាតឲ្យប្រើប្រាស់សម្រាប់កម្លាំងយោធាជាផ្លូវការមែនឬទេ ប៉ុន្តែលោកប្រាប់ថា “ខ្ញុំមិនចង់បញ្ជាក់ឡើយ វាគ្រាន់តែថា មានក្តីព្រួយបារម្ភ។ បច្ចុប្បន្ន យើងកំពុងរៀបចំសេចក្តីព្រាងមួយនៅក្នុងព្រឹត្តិការណ៍ដែលចាំបាច់”។
លោក McCaul បន្តថា “ខ្ញុំសង្ឃឹមថា រឿងនេះនឹងមិនកើតឡើងទៅចុះ ប៉ុន្តែយើងឃើញស្ថានការណ៍នៅមជ្ឈិមបូព៌ា កាន់តែក្តៅឡើងៗពីមួយថ្ងៃទៅមួយថ្ងៃ ហើយប្រសិនបើក្រុមហេសបូឡា មានជាប់ពាក់ព័ន្ធទៀតនោះ សង្គ្រាមច្បាស់ជាធំព្រោះក៏ប្រហែលជាមានអន្តរាគមន៍ពី អ៊ីរ៉ង់ដែរ”។
មុននេះ CNN រាយការណ៍ថា មន្ទីរបញ្ចកោណបានបញ្ជូនទាហានម៉ារីន និងនាវិកចំនួន២០០០នាក់ ទៅកាន់ឆ្នេរសមុទ្រអ៊ីស្រាអែល ដើម្បីបង្ហាញកម្លាំងនៅក្នុងតំបន់។ ចំណាត់ការនេះកើតឡើងចំពេលមានការប្រយុទ្ធគ្នារវាងអ៊ីស្រាអែល និងក្រុមសកម្មប្រយុទ្ធប៉ាឡេស្ទីន ដែលបានឆក់យកជីវិតមនុស្សរាប់ពាន់នាក់ក្នុងខែតុលា។
ដឹកនាំដោយអង្គភាពបេសកកម្មដែនសមុទ្រទី២៦ កងកម្លាំងឆ្លើយតបយ៉ាងរហ័ស កំពុងធ្វើដំណើរឆ្ពោះទៅកាន់ប្រទេសអ៊ីស្រាអែលតាមនាវា USS Bataan ដែលជានាវាវាយប្រហារ ធ្លាប់ឈរជើងនៅឈូងសមុទ្រអូម៉ង់។
ការដាក់ពង្រាយកងទ័ពជើងទឹកនេះ ត្រូវបានគេរាយការណ៍ថា មានគោលបំណងផ្ញើសារកំញើញអ៊ីរ៉ង់ និងក្រុមសកម្មប្រយុទ្ធលីបង់ ហេសបូឡា ហើយថ្មីៗនេះ នាវាចម្បាំងអាមេរិកមួយចំនួន ក៏បានល្បាតដែនទឹកក្បែរសាធារណរដ្ឋឥស្លាមផងដែរ។
ដោយឡែក កាលពីថ្ងៃអាទិត្យទី១៥ខែតុលា រដ្ឋមន្ត្រីក្រសួងការពារជាតិ លោក Lloyd Austin បានបញ្ជាឲ្យទាហាន ២០០០នាក់ផ្សេងទៀត ត្រៀមលក្ខណៈសម្រាប់បេសកកម្មជំនួយផ្នែកវេជ្ជសាស្ត្រ និងភស្តុភារ ក្នុងប្រទេសអ៊ីស្រាអែល៕
ប្រែសម្រួល៖ Vann Vann
ប្រភព៖ Daily Mail, RT
-
ព័ត៌មានជាតិ១ សប្តាហ៍ ago
ព្យុះ ប៊ីប៊ីនកា បានវិវត្តន៍ទៅជាព្យុះសង្ឃរា បន្តជះឥទ្ធិពលលើកម្ពុជា
-
ព័ត៌មានជាតិ៥ ថ្ងៃ ago
ព្យុះ ពូលឡាសាន ជាមួយវិសម្ពាធទាប នឹងវិវត្តន៍ទៅជាព្យុះទី១៥ បង្កើនឥទ្ធិពលខ្លាំងដល់កម្ពុជា
-
ព័ត៌មានអន្ដរជាតិ៥ ថ្ងៃ ago
ឡាវ បើកទំនប់ទឹកនៅខេត្ត Savannakhet
-
ព័ត៌មានអន្ដរជាតិ១ សប្តាហ៍ ago
អឺរ៉ុបកណ្តាលនិងខាងកើត ក៏កំពុងរងគ្រោះធ្ងន់ធ្ងរ ដោយទឹកជំនន់ដែរ
-
ព័ត៌មានអន្ដរជាតិ១ សប្តាហ៍ ago
វៀតណាម ប្រាប់ឲ្យពលរដ្ឋត្រៀមខ្លួន ព្រោះព្យុះថែមទៀត នឹងវាយប្រហារ ចុងខែនេះ
-
ព័ត៌មានជាតិ៣ ថ្ងៃ ago
Breaking News! កម្ពុជា សម្រេចដកខ្លួនចេញពីគម្រោងCLV-DTA
-
ព័ត៌មានអន្ដរជាតិ៦ ថ្ងៃ ago
ព្យុះកំបុងត្បូង នឹងវាយប្រហារប្រទេសថៃ នៅថ្ងៃសុក្រនេះ
-
ព័ត៌មានជាតិ៧ ថ្ងៃ ago
ព្យុះចំនួន២ នឹងវាយប្រហារក្នុងពេលតែមួយដែលមានឥទ្ធិពលខ្លាំងជាងមុន ជះឥទ្ធិពលលើកម្ពុជា