រកឃើញខ្មោចកប៉ាល់ដែលបាត់ខ្លួនកាលពី ១៣០ ឆ្នាំមុននៅព្រំដែន អាមេរិក-កាណាដា ជាមួយរឿងយ៉ាងចម្លែក

កប៉ាល់ដែលបាត់ខ្លួនកាលពីឆ្នាំ ១៨៩៥  នៅព្រំដែនសហរដ្ឋអាមេរិក-កាណាដា ដោយសារព្យុះព្រិលត្រូវគេរកឃើញហើយ ប៉ុន្តែអ្នកជំនាញកំពុងងឿងឆ្ងល់អំពីស្ថានភាពរបស់វា ។

កប៉ាល់ខាងលើមានឈ្មោះថា Africa បានបាត់ខ្លួនពេលអូសកប៉ាល់ខូចមួយទៀតឈ្មោះ Severn ឆ្លងកាត់ទន្លេ Huron ពីទីក្រុង Ashtabula ទៅទីក្រុង Owen Sound រដ្ឋ Ohio ។ វាត្រូវបានអ្នកជំនាញឈ្មោះ Yvonne Drebert និង Zach Melnick ប្រទះឃើញក្នុងខែមិថុនា ខណៈពេលថតភាពយន្ដឯកសារអំពីសត្វខ្យងពូជ Alien ។

ទន្ទឹមនោះ អ្នកជំនាញងឿងឆ្ងល់ជាខ្លាំង ព្រោះឃើញសភាពកប៉ាល់ធម្មតាដូចធ្លាក់ចុះមកតាមសម្រួល និងមានខ្យងពូជ Alien ហ៊ុមព័ទ្ធពាសពេញខ្មោចកប៉ាល់ដែលនៅជម្រៅ ៨៥ ម៉ែត្រពីផ្ទៃទឹក ។

គួរឲ្យដឹងថា ខ្យងពូជ Alien មានសមត្ថភាពបន្សុទ្ធទឹកថ្លា ងាយស្រួលសម្រាប់មនុស្សចុះទៅមើលកប៉ាល់ដែលបាត់ខ្លួន ។ យ៉ាងណាមិញ គេមិនទាន់មានគម្រោងយកវាចេញពីទឹកដើម្បីសិក្សាស្រាវជ្រាវនៅឡើយទេ ៕

ប្រែសម្រួល៖ វារី

ប្រភព៖ TOI

ចុចអាន៖ រកឃើញវត្ថុកម្រធ្វើពីកែវ ក្នុងខ្មោចកប៉ាល់ក្រោមសមុទ្រមេឌីទែរ៉ាណេ (មានវីដេអូ)