ការវាយប្រហារអាកាសរបស់អ៊ីស្រាអែល សម្លាប់ពលរដ្ឋប៉ាឡេស្ទីន ជាង៤០នាក់ទៀត

ពលរដ្ឋប៉ាឡេស្ទីនជាង៤០នាក់ទៀត ត្រូវបានសម្លាប់នៅព្រឹកថ្ងៃព្រហស្បតិ៍ទី១៩ខែតុលា ខណៈយន្តហោះចម្បាំងអ៊ីស្រាអែល បន្តវាយប្រហារតំបន់ហ្គាហ្សាស្ទ្រីប។

ទីភ្នាក់ងារសារព័ត៌មាន Wafa រាយការណ៍ថា មនុស្សចំនួន៩នាក់ រួមទាំងកុមារ៧នាក់ផងដែរ ត្រូវបានសម្លាប់ នៅពេលយន្តហោះ វាយប្រហារផ្ទះមួយខ្នងនៅតំបន់ Khan Younis ភាគខាងត្បូងទីក្រុង ហ្គាហ្សា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទន្ទឹមនោះ ជនជាតិប៉ាឡេស្ទីនជាង៣០នាក់ទៀត ត្រូវបានសម្លាប់ និងរាប់សិបនាក់រងរបួសក្នុងការវាយប្រហារតាមអាកាសរបស់អ៊ីស្រាអែលនៅ Rafah ភាគខាងត្បូងជ្រោយហ្គាហ្សា។ យន្តហោះចម្បាំងអ៊ីស្រាអែល ក៏បានវាយប្រហារផ្ទះមួយខ្នង នៅក្នុងសង្កាត់ Tal al-Sultan នៃទីក្រុង Rafah ផងដែរ។

លើសពីនេះ យោងតាមសាក្សីបានឲ្យដឹងថា ទារកជនជាតិប៉ាឡេស្ទីនម្នាក់ត្រូវបានសម្លាប់ និងមនុស្សជាច្រើននាក់រងរបួស ក្នុងការវាយប្រហារតាមអាកាសនៅជំរំជនភៀសខ្លួន Nuseirat កណ្តាលតំបន់ហ្គាហ្សា។

កុមារម្នាក់​ ក៏ត្រូវបានសម្លាប់ក្នុងការវាយឆ្មក់តាមអាកាសរបស់អ៊ីស្រាអែល នៅភាគខាងលិចទីក្រុង Khan Younis ផងដែរ៕

ប្រែសម្រួល៖ Vann Vann

ប្រភព៖ Aljazeera

ចុចអាន៖ លោក បៃដិន៖ អាមេរិក នឹងគាំទ្រអ៊ីស្រាអែល ជារៀងដរាប