ព័ត៌មានអន្ដរជាតិ

ឥណ្ឌា គ្រោងបញ្ជូនមនុស្សទៅកាន់ឋានព្រះច័ន្ទនៅឆ្នាំ ២០៤០

បានផុស

១ year មុន

នៅ

ថ្ងៃសុក្រ ២០ តុលា ២០២៣

ដោយ

បន្ទាប់ពីជោគជ័យបញ្ជូនយានទៅចុះចតស្រាវជ្រាវនៅលើភពព្រះចន្ទ ពេលនេះទីភ្នាក់ងារអវកាសឥណ្ឌាមានមហិច្ចតាគ្រោងនឹងបញ្ជូនអវកាសយានិកទៅជាន់ដីឋានព្រះចន្ទម្តងនៅឆ្នាំ ២០៤០ ខាងមុខ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ពាក់ព័ន្ធនឹងបញ្ហានេះដែរ លោក Narendra Modi នាយករដ្ឋមន្ត្រីឥណ្ឌាបាននិយាយថា ឥណ្ឌាមានមហិច្ចតាខ្ពស់បញ្ជូនអវកាសយានិកទៅកាន់ឋានព្រះច័ន្ទ និងសាងសង់ស្ថានីយ៍អវកាសផ្ទាល់ខ្លួននៅឆ្នាំ ២០៣៥ ហើយអាចនឹងសម្រេចគោលបំណងនាំអាកាសយានិកទៅឋាននោះនៅ ៥ ឆ្នាំក្រោយមក ។

បើតាមការបញ្ជាក់ពីទីភ្នាក់ងារអវកាសបានឲ្យដឹងថា ដំបូងឡើយប្រទេសឥណ្ឌាក៏គ្រោងនឹងបញ្ជូនអវកាសយានិក ៣ នាក់ទៅកាន់គន្លងទាបជុំវិញផែនដីនៅត្រឹមឆ្នាំ ២០២៥ ដើម្បីបន្តការសិក្សាស្រាវជ្រាវជាមុនសិន ។

ប្រើសិនបើជាគម្រោងនេះជោគជ័យមែន នោះឥណ្ឌានឹងក្លាយជាប្រទេសទី ២ បន្ទាប់ពីសហរដ្ឋអាមេរិកដែលបានបញ្ជូនមនុស្សទៅកាន់ភពព្រះចន្ទ ។

គួរឲ្យដឹងថា កាលពីខែសីហា ឥណ្ឌាបានក្លាយជាប្រទេសដំបូងគេបំផុតក្នុងប្រវត្តិសាស្ត្រ ដែលអាចចុះចតយានអវកាស Chandrayaan-3 ដោយជោគជ័យនៅប៉ូលខាងត្បូងរបស់ឋានព្រះចន្ទ៕