ព័ត៌មានអន្ដរជាតិ
ទាហាន អ៊ីស្រាអែល នឹងវាយលុកចូលតំបន់ហ្គាហ្សាឆាប់ៗនេះ
រដ្ឋមន្ត្រីការពារជាតិអ៊ីស្រាអែលលោក Yoav Gallant កាលពីថ្ងៃព្រហស្បតិ៍បានប្រាប់ទាហានអ៊ីស្រាអែលដែលកំពុងឈរជើងនៅតំបន់ព្រំដែនហ្គាហ្សា ឲ្យត្រៀមបើកការវាយលុកចូលតំបន់មួយនេះនាពេលឆាប់ៗខាងមុខក្នុងគោលបំណងកម្ចាត់ក្រុមហាម៉ាស់ ។

លោក Gallant បានប្រាប់ទាហានថា “ពេលនេះអ្នកកំពុលឃើញតំបន់ហ្គាហ្សាពីចម្ងាយ ប៉ុន្តែក្នុងពេលឆាប់ៗខាងមុខ អ្នកនឹងចូលទៅជិត ឬចូលក្នុងតំបន់នោះតែម្ដង ។ នៅពេលនេះកងទ័ពរបស់យើងមិនទាន់អាចវាយលុកចូលតំបន់ហ្គាហ្សាបាននៅឡើយទេ ដោយសារតតែមេដឹកនាំពិភពលោកជាច្រើនកំពុងធ្វើទស្សនកិច្ចក្នុងប្រទេសរបស់យើង” ។
ទោះយ៉ាងណា រដ្ឋមន្ត្រីការពារជាតិរបស់អ៊ីស្រាអែលរូបនេះបានលើកឡើងដែរថា ការប្រយុទ្ធគ្នារវាងកងកម្លាំងរបស់យើងជាមួយនឹងក្រុមប្រដាប់អាវុធប៉ាឡេស្ទីនហាម៉ាស់ នឹងមានរយៈពេលយូរ ចំណាយច្រើន ក៏ដូចជាស្វិតស្វាញផងដែរ ។

អ៊ីស្រាអែលបានបើកការវាយប្រហារលើតំបន់ហ្គាហ្សាជាហូរហែមកហើយ ជាពិសេសការវាយប្រហារតាមផ្លូវអាកាសលើមន្ទីរពេទ្យ al-Ahli Arab ដើម្បីជាសងសឹកជុំវិញការវាយប្រហាររបស់ខ្មាន់កាំភ្លើងក្រុមហាម៉ាស់ ដែលសម្លាប់ជនជាតិអ៊ីស្រាអែលប្រមាណ ១,៤០០ នាក់ ។
ទន្ទឹមនោះ អ៊ីស្រាអែលក៏បានឡោមព័ទ្ធមនុស្ស ២.៣ លាននាក់នៅតំបន់ហ្គាហ្សាស្ទ្រីបផងដែរ ហើយថែមទាំងបានទម្លាក់គ្រាប់បែកជាបន្តបន្ទាប់ក្នុងការវាយប្រហារដែលបានសម្លាប់មនុស្សរាប់ពាន់នាក់ និងបណ្ដាលឲ្យមនុស្សជាង ១ លាននាក់គ្មានផ្ទះសម្បែង ។

គួរបញ្ជាក់ថា ភាពតានតឹងថ្មីដែលបានផ្ទុះឡើងនៅមជ្ឈិមបូព៌ាបានអូសបន្លាយពេលដល់ថ្ងៃទី១៣ ហើយ បន្ទាប់ពីក្រុមហាម៉ាស់បានបើកការវាយប្រហារមកលើទឹកដីអ៊ីស្រាអែលចេញពីតំបន់ហ្គាហ្សាស្ទ្រីបកាលពីព្រឹកព្រលឹមថ្ងៃទី៧ ខែតុលា ដោយបានសម្លាប់មនុស្សជាង ១,៤០០ នាក់ ដែលភាគច្រើនជាជនស៊ីវិល ។
ចំណែកនៅតំបន់ហ្គាហ្សាវិញ ក្រសួងសុខាភិបាលដែលគ្រប់គ្រងដោយក្រុមហាម៉ាស់បាននិយាយថា ការឆ្លើយតបរបស់អ៊ីស្រាអែលបានសម្លាប់មនុស្សប្រហែល ៣,៥០០ នាក់ ហើយក្នុងនោះមានក្រុមសកម្មប្រយុទ្ធហាម៉ាស់ជាង ១,៥០០ នាក់នៅក្នុងទឹកដីអ៊ីស្រាអែល ខណៈមនុស្សប្រមាណ ១២,០០០ នាក់បានរងរបួស ៕
ប្រែសម្រួលដោយ ៖ ជីវ័ន្ត
ប្រភព ៖ CNA
ចុចអាន ៖ អ៊ីរ៉ង់ ឲ្យប្រទេសឥស្លាមទាំងអស់ពួតដៃគ្នាដាក់ទណ្ឌកម្មលើ អ៊ីស្រាអែល

-
ព័ត៌មានអន្ដរជាតិ១ ថ្ងៃ ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម៣ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ៥ ថ្ងៃ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ២ ថ្ងៃ ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៥ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៦ ថ្ងៃ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម១ ថ្ងៃ ago
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
សន្តិសុខសង្គម១៤ ម៉ោង ago
ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ