UN៖ ពិភពលោក លែងមានក្តីមេត្តាករុណាទៀតហើយ

អគ្គស្នងការនៃទីភ្នាក់ងារជំនួយ និងការងាររបស់អង្គការសហប្រជាជាតិ ទទួលបន្ទុកជនភៀសខ្លួនប៉ាឡេស្ទីន នៅតំបន់ជិតបូព៌ាលោក Philippe Lazzarini បាននិយាយថា “ឥឡូវនេះ ពិភពលោកបានបាត់អស់ក្តីមេត្តាករុណាទៅហើយ”។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ប្រធានទីភ្នាក់ងារ UN រូបនេះបានប្រាប់ BBC ថា តំបន់មជ្ឈិមបូព៌ាគឺស្ថិតនៅមាត់ជ្រោះដ៏ជ្រៅបំផុត ដែលជាលទ្ធផលនៃសង្គ្រាមរវាងអ៊ីស្រាអែល និងក្រុមហាម៉ាស់ ហើយលោក​ព្រមាន​ថា អំពើ​ហិង្សា​ អាច​រីករាលដាល​ពាស​ពេញ​តំបន់។

លើសពីនេះ លោក Lazzarini ក៏បានព្រមានផងដែរ អំពីស្ថានភាពដ៏អាក្រក់សម្រាប់ជនស៊ីវិលនៅក្នុងតំបន់ហ្គាហ្សា ដោយអំពាវនាវម្តងហើយម្តងទៀតឲ្យបើកច្រករបៀងជំនួយមនុស្សធម៌ចូលទៅក្នុងទឹកដីនេះ។

ថ្លែងនៅទីក្រុងហ្ស៊េរុយសាឡិម លោក Lazzarini បានថ្កោលទោសការវាយប្រហាររបស់ក្រុមហាម៉ាស់លើអ៊ីស្រាអែល ដោយហៅថាជា “ការសម្លាប់រង្គាលដ៏គួរឲ្យរន្ធត់ និងព្រៃផ្សៃ”៕

ប្រែសម្រួល៖ Vann Vann

ប្រភព៖ BBC

ចុចអាន៖ ចូ បៃដិន៖ យើងមិនឲ្យក្រុមហាម៉ាស់ និងលោកពូទីន ឈ្នះទេ