ព័ត៌មានអន្ដរជាតិ
ចិនថា មន្ទីរបញ្ចកោណអាមេរិកបំភ្លៃការពិតរឿងក្បាលគ្រាប់នុយក្លេអ៊ែរ
ក្រសួងការបរទេសអាមេរិកបាននិយាយនៅថ្ងៃសុក្រ ទី២០ ខែតុលា ថា របាយការណ៍របស់មន្ទីរបញ្ចកោណអាមេរិកដែលនិយាយថា ប្រទេសចិនប្រហែលជាមានក្បាលគ្រាប់នុយក្លេអ៊ែរច្រើនជាង ១,០០០គ្រាប់ នៅឆ្នាំ២០៣០ គឺជាការបំភ្លៃការពិត ខណៈប្រទេសចិនពុំមានចេតនាចូលរួមក្នុងការប្រណាំងប្រជែងអាវុធនុយក្លេអ៊ែរនោះទេ។

អ្នកនាំពាក្យក្រសួងលោកស្រី Mao Ning បានប្រាប់សន្និសីទសារព័ត៌មានថា របាយការណ៍របស់សហរដ្ឋអាមេរិក ក៏ដូចជារបាយការណ៍ស្រដៀងគ្នានេះ ជារបាយការណ៍ពោរពេញទៅដោយការរើសអើង និងញុះញង់ពិភពលោកឱ្យគិតអវិជ្ជមានលើចិន។
មន្ទីរបញ្ចកោណបាននិយាយនៅក្នុងរបាយការណ៍ប្រចាំឆ្នាំរបស់ខ្លួនថា ប្រទេសចិនមានក្បាលគ្រាប់នុយក្លេអ៊ែរប្រតិបត្តិការច្រើនជាង ៥០០គ្រាប់ នៅក្នុងឃ្លាំងអាវុធ គិតត្រឹមខែឧសភា ហើយវាអាចកើនឡើងលើស ១ពាន់គ្រាប់ ក្នុងរយៈពេល ៧ឆ្នាំខាងមុខ។ ក្នុងរបាយការណ៍បន្ថែមថា កងទ័ពជើងទឹករបស់ចិនមាននាវាចម្បាំង និងនាវាមុជទឹកជាង ៣៧០គ្រឿង កើនឡើងពីចំនួន ៣៤០គ្រឿង បើធៀបកាលពីឆ្នាំមុន។

ក្រោយពេលរបាយការណ៍នេះផ្សព្វផ្សាយជាសាធារណៈ ចិន ហាក់មិនទទួលស្គាល់នោះទេ ដោយលោកស្រី Mao Ning បានលើកឡើងថា ចិនប្រកាន់យ៉ាងខ្ជាប់ខ្ជួននូវយុទ្ធសាស្រ្តនុយក្លេអ៊ែរដើម្បីការពារខ្លួន និងតែងតែរក្សាកងកម្លាំងនុយក្លេអ៊ែ នៅកម្រិតទាបបំផុតដែលជាតម្រូវការរបស់សុខជាតិ ហើយចិនមិនមានចេតនាក្នុងការចូលរួមក្នុងការប្រកួតប្រជែងអាវុធនុយក្លេអ៊ែរជាមួយប្រទេសណាមួយឡើយ។
លោកស្រី Mao បាននិយាយថា “ដរាបណាប្រទេសណាមួយមិនប្រើប្រាស់ ឬគម្រាមប្រើប្រាស់អាវុធនុយក្លេអ៊ែរប្រឆាំងនឹងប្រទេសចិន វានឹងមិនត្រូវបានគំរាមកំហែងដោយអាវុធនុយក្លេអ៊ែររបស់ចិនឡើយ”។
កន្លងមក មន្ទីរបញ្ចកោណ ធ្លាប់បានលើកឡើងពីការព្រមានពីការកើនឡើងនៃអាវុធរបស់ចិន ដោយបានគូសបញ្ជាក់ពីចេតនារបស់ប្រទេសនេះក្នុងការពង្រីកការអភិវឌ្ឍន៍ក្បាលគ្រាប់របស់ខ្លួន។ នៅក្នុងរបាយការណ៍កាលពីខែវិច្ឆិកា ឆ្នាំមុន ចិនបាននិយាយថា ខ្លួនទំនងជាមានស្តុកក្បាលគ្រាប់នុយក្លេអ៊ែរចំនួន ១,៥០០គ្រាប់ នៅឆ្នាំ២០៣៥៕
ប្រែសម្រួល៖ សន្យា
ប្រភព៖ Reuters
ចុចអាន៖ ន័រវែស សុខចិត្តបង់ប្រាក់ឱ្យជនភៀសខ្លួនអ៊ុយក្រែនចេញពីប្រទេសរបស់ខ្លួន

-
ព័ត៌មានអន្ដរជាតិ១ ថ្ងៃ ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម៣ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ៥ ថ្ងៃ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ២ ថ្ងៃ ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៥ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៦ ថ្ងៃ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម១ ថ្ងៃ ago
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
សន្តិសុខសង្គម១៤ ម៉ោង ago
ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ