ព័ត៌មានអន្ដរជាតិ
ជនមូស្លីមថៃនិងប៉ាឡេស្ទីនរាប់រយនាក់ ធ្វើបាតុកម្ម ក្នុងទីក្រុងបាងកក ប្រឆាំងអ៊ីស្រាអែល និងថ្កោលទោសអាមេរិក
ជនមូស្លីមថៃ និងប៉ាឡេស្ទីនជាង ៣០០នាក់ បានប្រមូលផ្តុំគ្នានៅខាងក្រៅស្ថានទូតអ៊ីស្រាអែលក្នុងទីក្រុងបាងកក កាលពីថ្ងៃសៅរ៍ទី២១ខែតុលា ដើម្បីថ្កោលទោសអ៊ីស្រាអែល និងសហរដ្ឋអាមេរិក ចំពោះការទម្លាក់គ្រាប់បែកដែលកំពុងបន្តនៅតំបន់ហ្គាហ្សាស្ទ្រីប និងទាមទារឲ្យអ៊ីស្រាអែលបញ្ឈប់ “អំពើប្រល័យពូជសាសន៍”។
បាតុករដែលភាគច្រើនជាអ្នកកាន់សាសនាឥស្លាមមកពីខេត្តជាប់ព្រំដែនភាគខាងត្បូងចំនួន៥ និងជនជាតិប៉ាឡេស្ទីនរស់នៅក្នុងប្រទេសថៃ បានប្រមូលផ្តុំគ្នានៅខាងក្រៅស្ថានទូតនៃអគារ Ocean Tower II ក្នុងសង្កាត់ Watthana នាម៉ោងប្រហែល ៩:៣០ ព្រឹក។
ការតវ៉ានេះ ធ្វើឡើងចំពេលមានមានការពង្រឹងសន្តិសុខយ៉ាងតឹងរ៉ឹង ដោយក្រុមមន្ត្រីប៉ូលិស ដែលត្រូវបានដាក់ពង្រាយ ដើម្បីរក្សាសណ្តាប់ធ្នាប់។
មេដឹកនាំបាតុកម្ម បានវាយប្រហារអ៊ីស្រាអែលដោយពាក្យសម្តី ជុំវិញអំពើហិង្សាដែលកំពុងកើតមាននៅតំបន់ហ្គាហ្សាស្ទ្រីប និងសហរដ្ឋអាមេរិកសម្រាប់ការគាំទ្ររបស់ខ្លួនក្នុងសង្រ្គាមអ៊ីស្រាអែលប្រឆាំងយុទ្ធជនចលនាហាម៉ាស់។
ស្របពេលជាមួយគ្នានោះដែរ ក្រុមបាតុករបានបង្ហាញការលើកទឹកចិត្តដល់ក្រុមសកម្មប្រយុទ្ធហាម៉ាស់ ដែលកំពុងប្រយុទ្ធនឹងកងកម្លាំងយោធាអ៊ីស្រាអែល។ ក្រុមអ្នកតវ៉ា ថែមទាំងជាន់ទង់ជាតិអ៊ីស្រាអែល នៅលើផ្លូវ ហើយដុតទៀតផង។
លោក Chaiyid Sulaiman Huzainee មេដឹកនាំឥស្លាមនិយាយថា អ៊ីស្រាអែល បានទទួលអាវុធពីសម្ព័ន្ធមិត្តរបស់ខ្លួន ដើម្បីអនុវត្តអំពើប្រល័យពូជសាសន៍ប្រឆាំងនឹងប៉ាឡេស្ទីនអស់រយៈពេល ៧៥ ឆ្នាំមកហើយ។ លោកបានរិះគន់អាមេរិកចំពោះការគាំទ្រអ៊ីស្រាអែល។
សូមបញ្ជាក់ជាថ្មី ក្រុមហាម៉ាស់ បានចាប់ចំណាប់ខ្មាំងយ៉ាងតិច ២០០នាក់ រួមទាំងកម្មករថៃ ១៩ នាក់ផងដែរ បន្ទាប់ពីការវាយប្រហារដ៏គួរឲ្យភ្ញាក់ផ្អើលរបស់ខ្លួនលើអ៊ីស្រាអែលកាលពីថ្ងៃទី ៧ ខែតុលា។ ជនជាតិថៃ ៣០ នាក់ត្រូវបានសម្លាប់ចាប់តាំងពីអរិភាពផ្ទុះឡើង៕
ប្រែសម្រួល៖ Vann Vann
ប្រភព៖ Bangkok Post
ចុចអាន៖ ក្រុមហាម៉ាស់ ថា ខ្លួនចង់ដោះលែងចំណាប់ខ្មាំង តែអ៊ីស្រាអែលបដិសេធ
សម្ដេច ស ខេង ស្នើអាជ្ញាធរទប់ស្កាត់អំពើឆបោកតាមប្រព័ន្ធអនឡាញ ដើម្បីកុំឲ្យពលរដ្ឋខាតបង់ទ្រព្យដោយសារឧក្រិដ្ឋជន
ក្រសួងដែលមិនបានកំណត់តំណែងជាក់លាក់សម្រាប់រើសមន្ត្រីនឹងមិនអនុញ្ញាតឱ្យរើសថែមទេ
នាយករដ្ឋមន្ត្រីបញ្ជាឱ្យរៀបចំប្រព័ន្ធតាមដាន និងវាយតម្លៃតាមក្រសួងស្ថាប័ន
នាយករដ្ឋមន្ត្រីឱ្យក្រសួងមុខងារសាធារណៈដឹកនាំដោះស្រាយការជាន់មុខងាររបស់ស្ថាប័នរដ្ឋ
ព័ត៌មានលម្អិតជុំវិញការបង្រ្កាបក្រុមឆក់ប្លន់នៅខេត្តកណ្ដាល ខណៈជនសង្ស័យម្នាក់ជាមុខសញ្ញាចាស់ កំពុងរត់គេចខ្លួន
-
ព័ត៌មានអន្ដរជាតិ១ ថ្ងៃ agoកម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម២ ថ្ងៃ agoករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ៥ ថ្ងៃ agoរដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ២ ថ្ងៃ agoបងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៤ ថ្ងៃ agoសត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៥ ថ្ងៃ agoពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម១ ថ្ងៃ agoការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
សន្តិសុខសង្គម៩ ម៉ោង agoជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ