ព័ត៌មានអន្ដរជាតិ
ចិន ប្តេជ្ញាធ្វើគ្រប់បែបយ៉ាង ដើម្បីនាំបទឈប់បាញ់ក្នុងសង្គ្រាមអ៊ីស្រាអែល-ហាម៉ាស់ ឲ្យខានតែបាន
ប្រេសិតពិសេសរបស់ចិន ប្រចាំតំបន់មជ្ឈិមបូព៌ា បាននិយាយថា រដ្ឋាភិបាលទីក្រុងប៉េកាំង មានឆន្ទៈធ្វើគ្រប់បែបយ៉ាង ដើម្បីលើកកម្ពស់កិច្ចសន្ទនា សម្រេចឲ្យបាននូវបទឈប់បាញ់ និងស្តារសន្តិភាពនៅមជ្ឈិមបូព៌ាឡើងវិញ។
ក្នុងការអធិប្បាយដែលរាយការណ៍ដោយទូរទស្សន៍ CCTV នៅថ្ងៃចន្ទទី២៣ខែតុលា លោក Zhai Jun បានចាត់ទុកស្ថានភាពក្នុងតំបន់ ហ្គាហ្សា ថា “ធ្ងន់ធ្ងរខ្លាំងណាស់”។ លោកក៏បានបង្ហាញក្តីបារម្ភផងដែរចំពោះជម្លោះទ្រង់ទ្រាយធំដែលអាចកើតមាន និងជម្លោះប្រដាប់អាវុធដែលរីករាលដាលដល់ប្រទេសជិត។

លោក Zhai បន្ថែមថា ប្រទេសចិន នឹងបន្តទំនាក់ទំនងយ៉ាងជិតស្និទ្ធជាមួយគ្រប់ភាគីក្នុងសហគមន៍អន្តរជាតិ។ ថ្មីៗនេះ លោកបាននិយាយជាមួយរដ្ឋមន្ត្រីការបរទេសនានា ដូចជាប៉ាឡេស្ទីន អ៊ីស្រាអែល អេហ្ស៊ីប អារ៉ាប៊ីសាអូឌីត អារ៉ាប់រួម និងន័រវេស ព្រមទាំងតំណាងមកពីអង្គការសហប្រជាជាតិ និងសហភាពអឺរ៉ុបផងដែរ។
លើសពីនេះ លោក Zhai អះអាងថា ប្រទេសចិន បានផ្តល់ហើយនឹងបន្តផ្តល់ជំនួយមនុស្សធម៌សង្គ្រោះបន្ទាន់ដល់ប៉ាឡេស្ទីន តាមរយៈអង្គការសហប្រជាជាតិ និងតាមរយៈបណ្តាញទ្វេភាគី ដើម្បីជួយសម្រាលវិបត្តិមនុស្សធម៌។
សូមបញ្ជាក់ថា អ៊ីស្រាអែល កំពុងបន្តទម្លាក់គ្រាប់បែកយ៉ាងសន្ធាប់ទៅលើតំបន់ហ្គាហ្សា ចាប់តាំងពីក្រុមហាម៉ាស់ បើកការវាយឆ្មក់បង្ហូរឈាមកាលពីថ្ងៃទី៧ខែតុលា៕
ប្រែសម្រួល៖ Vann Vann
ប្រភព៖ Aljazeera
ចុចអាន៖ អាមេរិក គំរាមសងសឹក បើកងកម្លាំងរបស់ខ្លួននៅមជ្ឈិមបូព៌ា រងការវាយប្រហារ

-
ព័ត៌មានអន្ដរជាតិ១ ថ្ងៃ ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម៣ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ៥ ថ្ងៃ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ២ ថ្ងៃ ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៥ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៦ ថ្ងៃ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម១ ថ្ងៃ ago
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
សន្តិសុខសង្គម១៤ ម៉ោង ago
ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ