Connect with us

ព័ត៌មានអន្ដរជាតិ

អាមេរិក បញ្ជាឲ្យបើកដំណើរការប្រព័ន្ធខែលការពារដែនអាកាសនៅទូទាំង​តំបន់មជ្ឈិមបូព៌ា

បានផុស

នៅ

មន្ទីរបញ្ចកោណកំពុងបង្កើនការត្រៀមលក្ខណៈ ក៏ដូចជាបញ្ជាឲ្យបើកដំណើរការប្រព័ន្ធខែលការពារដែនអាកាសនៅទូទាំងតំបន់មជ្ឈិមបូព៌ា ហើយថែមទាំងបានប្រកូកប្រកាសទៅដល់កងកម្លាំងអាមេរិកអាចនឹងត្រូវដាក់ពង្រាយក្នុងពេលឆាប់ៗនេះផងដែរ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

រដ្ឋមន្ត្រីការពារជាតិអាមេរិក លោក Lloyd Austin បាននិយាយនៅក្នុងសេចក្តីថ្លែងការណ៍មួយថា “វិធានការនេះគឺដើម្បីឆ្លើយតបទៅនឹងការឡើងកម្ដៅនាពេលថ្មីៗនេះ ដោយសារតែស្នាដៃអ៊ីរ៉ង់ និងកងកម្លាំងប្រូកស៊ីរបស់ខ្លួននៅទូទាំងមជ្ឈិមបូព៌ា” ។

លោករដ្ឋមន្ត្រីបានលើកឡើងទៀតថា “ជំហានទាំងនេះនឹងជំរុញឲ្យមានកិច្ចខិតខំប្រឹងប្រែងទប់ស្កាត់ ក៏ដូចជាបង្កើនថាមពលសម្រាប់កងកម្លាំងអាមេរិកនៅក្នុងតំបន់ និងជួយការពារជាតិអ៊ីស្រាអែលផងដែរ” ។

លោក Austin បញ្ជាក់ថា “ខ្ញុំនឹងបន្តវាយតម្លៃតម្រូវការកម្លាំងរបស់យើងនៅក្នុងតំបន់ ហើយពិចារណាលើការដាក់ពង្រាយសមត្ថភាពបន្ថែមតាមការចាំបាច់ ហើយវិធានការនេះក៏ធ្វើឡើងតាម “ការពិភាក្សាយ៉ាងលម្អិត” ជាមួយប្រធានាធិបតីសហរដ្ឋអាមេរិកលោក Joe Biden ផងដែរ” ។

ទន្ទឹមនោះ ការប្រកាសនេះក៏កើតមានឡើង បន្ទាប់ពីលោក Austin បានជជែកម្តងហើយម្ដងទៀតជាមួយរដ្ឋមន្ត្រីការពារជាតិអ៊ីស្រាអែលលោក Yoav Gallant ចំពេលមានសង្គ្រាមដែលកំពុងបន្តនៅតំបន់ហ្គាហ្សារវាងអ៊ីស្រាអែល និងក្រុមប្រដាប់អាវុធហាម៉ាស់ ។

គួរបញ្ជាក់ថា ភាពតានតឹងថ្មីដែលបានផ្ទុះឡើងនៅមជ្ឈិមបូព៌ាបានអូសបន្លាយពេលដល់សប្ដាហ៍ទី ២ ហើយ បន្ទាប់ពីក្រុមហាម៉ាស់បានបើកការវាយប្រហារមកលើទឹកដីអ៊ីស្រាអែលចេញពីតំបន់ហ្គាហ្សាស្ទ្រីបកាលពីព្រឹកព្រលឹមថ្ងៃទី៧ ខែតុលា ដោយបានសម្លាប់មនុស្សជាង ១,៤០០ នាក់ ដែលភាគច្រើនជាជនស៊ីវិល ។

ចំណែកនៅតំបន់ហ្គាហ្សាវិញ ក្រសួងសុខាភិបាលដែលគ្រប់គ្រងដោយក្រុមហាម៉ាស់បាននិយាយថា ការឆ្លើយតបរបស់អ៊ីស្រាអែលបានសម្លាប់មនុស្សជាង ៤,៦០០ នាក់ ហើយក្នុងនោះមានក្រុមសកម្មប្រយុទ្ធហាម៉ាស់ជាង ១,៥០០ នាក់នៅក្នុងទឹកដីអ៊ីស្រាអែល ខណៈមនុស្ស​ជាង ១៤,០០០ នាក់បាន​រង​របួស ៕

ប្រែសម្រួលដោយ ៖ ជីវ័ន្ត

ប្រភព ៖ The Times of Israel

ចុចអាន ៖ អតីតរដ្ឋមន្ត្រីការពារជាតិ អាមេរិក ថា ការវាយបករបស់ អ៊ីស្រាអែល លើក្រុមហាម៉ាស់ គឺជាសិទ្ធិការពារខ្លួន

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ២៣ ម៉ោង មុន

សពអ្នកឧកញ៉ា ហ៊ុន សាន នឹងត្រូវដង្ហែទៅបញ្ចុះនៅវត្តច័ន្ទបុរីវង្ស ព្រឹកថ្ងៃទី២ ខែមេសា

ព័ត៌មានជាតិ២១ ម៉ោង មុន

ព័ត៌មានលម្អិតជុំវិញការបង្រ្កាបក្រុមឆក់ប្លន់នៅខេត្តកណ្ដាល ខណៈជនសង្ស័យម្នាក់ជាមុខសញ្ញាចាស់ កំពុងរត់គេចខ្លួន

ព័ត៌មានអន្ដរជាតិ៣ ម៉ោង មុន

ភាគខាងជើង ថៃ ក៏កើតភ្លើងឆេះព្រៃខ្លាំង ឯនៅ បាងកក ក៏កំពុងរងទុក្ខដោយរញ្ជួយដី

ព័ត៌មានជាតិ២៣ ម៉ោង មុន

ករណីនៅផ្លូវល្បឿនលឿន សមត្ថកិច្ច ថា ផ្ដើមពីករណីឆក់ តែជនសង្ស័យម្នាក់ដើម្បីគេចខ្លួន ក៏ភ្ជង់យកឡានពលរដ្ឋទៅ

ព័ត៌មានជាតិ២៤ ម៉ោង មុន

អ្នកឧកញ៉ា ឡេង ណាវ៉ាត្រា ដឹកនាំប្រតិភូ Galaxy Navatra Group គោរពវិញ្ញាណក្ខន្ធសពឯកឧត្តម ហ៊ុន សាន

Sokha Hotels

ព័ត៌មានពេញនិយម