ព័ត៌មានអន្ដរជាតិ

មនុស្សប្រហែល ៥០០ នាក់ រត់គេចពីភ្លើងឆេះសាលអាពាហ៍ពិពាហ៍នៅ វៀតណាម

បានផុស

១ year មុន

នៅ

ថ្ងៃចន្ទ ២៣ តុលា ២០២៣

ដោយ

មនុស្សប្រហែល ៥០០ នាក់បានរួចជីវិតពីភ្លើងឆេះសាលអាពាហ៍ពិពាហ៍មួយកន្លែងនៅក្នុងខេត្ត Ba Ria-Vung Tau ភាគខាងត្បូងប្រទេសវៀតណាមកាលពីថ្ងៃអាទិត្យ ទី២២ ខែតុលា ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បើតាមសាក្សីបានឲ្យដឹងថា អគ្គិភ័យមួយនេះឆាបឆេះឆាកក្នុងរោងការ ហើយរាលដាលពេញសាលត្រឹមរយៈពេល ៣០ វិនាទីប៉ុណ្ណោះ ។

នៅពេលនោះ មានមនុស្សប្រហែល ៥០០ នាក់កំពុងចូលរួមពិធីមង្គលការ រាប់ទាំងកូនក្រមុំ កូនកំលោះ សាច់ញាតិ និងភ្ញៀវផងដែរ ។ យ៉ាងណាមិញគ្រប់គ្នាបានចាកចេញតាមច្រកទ្វារទាំង ១០ ដោយសុវត្ថិភាពរួចទៅហើយ ទើបមានរថយន្តពន្លត់អគ្គិភ័យចំនួន ៤ គ្រឿងមកពន្លត់ភ្លើងរយៈពេល ៣០ នាទី ។

អ្នកស្រុកបានសន្និដ្ឋានថា ហេតុការណ៍ខាងលើបណ្តាលមកពីឆ្លងចរន្តអគ្គិសនីនៅលើឆាក បណ្ដាលឲ្យខូចខាតនូវវាំងនន គ្រឿងសង្ហារឹម និងប្រព័ន្ធសំឡេងទាំងអស់តម្លៃ ៨១,៦៨៣ ដុល្លារ ។

សូមបញ្ជាក់ថា មានមនុស្សតែម្នាក់ប៉ុណ្ណោះបានរងរបួសស្រាល ដោយសារតែរលាកភ្លើង ខណៈឯការស៊ើបអង្កេតលើឧប្បត្តិហេតុក៏កំពុងដំណើរការបន្តផងដែរ ៕

ប្រែសម្រួល៖ វារី

ប្រភព៖ tuoitrenews

ចុចអាន៖ អគ្គិភ័យឆាបឆេះក្នុងពិធីមង្គលការនៅអ៊ីរ៉ាក់ ស្លាប់មនុស្ស១០០នាក់ របួស១៥០នាក់