Connect with us

ព័ត៌មានអន្ដរជាតិ

ណាតូ អះអាងថា មិនខ្វះធនធានសម្រាប់ជួយដល់សង្គ្រាម អ៊ីស្រាអែល និងអ៊ុយក្រែន ឡើយ

បានផុស

នៅ

អគ្គលេខាធិការរងរបស់អង្គការណាតូលោក Mircea Geoana បាននិយាយកាលពីពេលថ្មីៗនេះថា អង្គការណាតូមិនខ្វះធនធានដើម្បីជួយដល់អ៊ីស្រាអែល និងអ៊ុយក្រែននោះទេ ស្របពេលដែលប្រទេសទាំងពីរសុទ្ធសឹងតែកំពុងជាប់ដៃធ្វើសង្គ្រាមដូចគ្នា ។

លោក Mircea Geoana

ថ្លែងក្នុងបទសម្ភាសន៍ជាមួយប៉ុស្តិរ៍ទូរទស្សន៍រ៉ូម៉ានី Digi24, លោក Geoana បានសម្តែងទំនុកចិត្តថា សម្ព័ន្ធភាពមួយនេះ មានធនធានគ្រប់គ្រាន់ដើម្បីទប់ទល់នឹងជម្លោះបច្ចុប្បន្ននៅមជ្ឈិមបូព៌ារវាងអ៊ីស្រាអែល និងក្រុមហាម៉ាស់ ក៏ដូចជាផ្តល់ជំនួយផ្នែកយោធាដល់អ៊ុយក្រែនក្នុងសង្គ្រាមជាមួយរុស្ស៊ី ។

មន្ត្រីរូបនេះបានលើកឡើងទៀតថា “ប្រទេសចំនួន ៣២ នៃអង្គការណាតូ រួមជាមួយស៊ុយអែតផងដែរនោះ គឺជាជម្រកសម្រាប់ប្រជាជនជាង ១ ពាន់លាននាក់ ហើយពួកគេមានច្រើនជាង ៥០ ភាគរយនៃផលិតផលក្នុងស្រុកសរុបរបស់ពិភពលោក ដូច្នេះយើងមានធនធានគ្រប់គ្រាន់ដើម្បីធានាថា យើងមិនចាំបាច់បង្វែរការយកចិត្តទុកដាក់របស់យើងចេញពីអ្វីដែលត្រូវធ្វើសម្រាប់គាំទ្រដល់អ៊ីស្រាអែល និងអ៊ុយក្រែននោះទេ” ។

ស្របពេលជាមួយគ្នានេះ លោក Geoana ក៏បានរំឭកផងដែរថា “អង្គការណាតូមានផែនការការពារជាក់លាក់នៅក្នុងបរិបទដែលកើតចេញពីការគំរាមកំហែងភ្លាមៗពីសំណាក់រុស្ស៊ី និងអំពើភេរវកម្មផ្សេងៗជាដើម ។ យើងត្រូវតែរួបរួមគ្នាម្តងទៀត ដើម្បីគាំទ្រអ៊ីស្រាអែល ព្រោះវាជារដ្ឋប្រឆាំងនឹងការលុកលុយ ហើយខ្ញុំជឿជាក់ថា យើងអាចធ្វើរឿងនេះដោយស្ងប់ស្ងាត់ និងអត់ធ្មត់” ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក Geoana បានបញ្ជាក់ថា “តួអង្គដូចជារុស្ស៊ីនឹងសប្បាយរីករាយខ្លាំងណាស់ ប្រសិនបើយើង និងលោកខាងលិច ក៏ដូចជាសហរដ្ឋអាមេរិកចាប់ផ្តើមបែងចែកការយកចិត្តទុកដាក់របស់យើង ទៅលើអ្វីដែលកំពុងកើតឡើងនៅមជ្ឈិមបូព៌ា និងនៅអឺរ៉ុបខាងកើត ជាពិសេសសង្គ្រាមនៅអ៊ុយក្រែននេះតែម្ដង” ។

គួរបញ្ជាក់ថា ភាពតានតឹងថ្មីនៅមជ្ឈិមបូព៌ាបានផ្ទុះឡើងសាជាថ្មីនៅព្រឹកព្រលឹមថ្ងៃទី៧ ខែតុលា បន្ទាប់ពីក្រុមហាម៉ាស់បើកការវាយល្មក់ចូលមកកាន់ទឹកអ៊ីស្រាអែល ដោយបានសម្លាប់មនុស្សសរុបជាង ៦,០០០ នាក់ ខណៈសង្គ្រាមរុស្ស៊ី-អ៊ុយក្រែនបានអូសបន្លាយពេលដល់ ២០ ខែមកហើយ ដោយក្នុងនោះអាមេរក និងសម្ព័ន្ធមិត្តបានចាយប្រាក់រាប់រយរាប់ពាន់លានដុល្លារក្នុងការផ្ដល់ជំនួយទៅដល់រដ្ឋាភិបាលទីក្រុងកៀវ ៕

ប្រែសម្រួលដោយ ៖ ជីវ័ន្ត

ប្រភព ៖ Yahoo

ចុចអាន ៖ អាមេរិក និងប្រទេសលោកខាងលិច ៥ ទៀតឲ្យ អ៊ីស្រាអែល គោរពច្បាប់​មនុស្សធម៌អន្តរជាតិ និងការពារជនស៊ីវិល

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

សន្តិសុខសង្គម១៤ ម៉ោង មុន

ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ

ព័ត៌មានជាតិ១១ ម៉ោង មុន

សពអ្នកឧកញ៉ា ហ៊ុន សាន នឹងត្រូវដង្ហែទៅបញ្ចុះនៅវត្តច័ន្ទបុរីវង្ស ព្រឹកថ្ងៃទី២ ខែមេសា

ព័ត៌មានអន្ដរជាតិ១៧ ម៉ោង មុន

របាយការណ៍​ចុងក្រោយ​បំផុត​អំពី​ការ​បំផ្លិចបំផ្លាញ និង​រង​គ្រោះ​ ព្រោះ​ការ​​រញ្ជួយ​ដី​នៅ​អាស៊ីអាគ្នេយ៍

ព័ត៌មានជាតិ៩ ម៉ោង មុន

ព័ត៌មានលម្អិតជុំវិញការបង្រ្កាបក្រុមឆក់ប្លន់នៅខេត្តកណ្ដាល ខណៈជនសង្ស័យម្នាក់ជាមុខសញ្ញាចាស់ កំពុងរត់គេចខ្លួន

ព័ត៌មានជាតិ១១ ម៉ោង មុន

ករណីនៅផ្លូវល្បឿនលឿន សមត្ថកិច្ច ថា ផ្ដើមពីករណីឆក់ តែជនសង្ស័យម្នាក់ដើម្បីគេចខ្លួន ក៏ភ្ជង់យកឡានពលរដ្ឋទៅ

Sokha Hotels

ព័ត៌មានពេញនិយម