ព័ត៌មានអន្ដរជាតិ
ប្រជាជនអ៊ីស្រាអែល សម្រុកទិញកាំភ្លើង ទុកការពារខ្លួន
យោងតាមរបាយការណ៍មួយ, ប្រជាជនអ៊ីស្រាអែល កំពុងនាំគ្នាសម្រុកទិញកាំភ្លើងក្នុងអត្រាដ៏ច្រើនមិនធ្លាប់មានពីមុនមក ចាប់តាំងពីក្រុមហាម៉ាស់ បើកការវាយប្រហារដ៏ភ្ញាក់ផ្អើល និងបានបង្កឲ្យមានសង្រ្គាមជាមួយអ៊ីស្រាអែល នៅក្នុងតំបន់ហ្គាហ្សា។
ជនជាតិអ៊ីស្រាអែលបានដាក់ពាក្យសុំអាជ្ញាប័ណ្ណកាំភ្លើងយ៉ាងច្រើន ជាហេតុបណ្តាលឲ្យក្រសួងសន្តិសុខមាតុភូមិ ត្រូវធ្វើការញាប់ដៃញាប់ជើងលើរឿងនេះ ដោយពាក្យសុំអាជ្ញាប័ណ្ណកាំភ្លើងយ៉ាងច្រើនលើសលប់ត្រូវបានដាក់ស្នើ។
ហាងលក់កាំភ្លើងក្នុងប្រទេសអ៊ីស្រាអែល បានប្រាប់អ្នកឆ្លើយឆ្លងព័ត៌មាន Financial Times លោក Mehul Srivastava ថា មានមនុស្សជាច្រើនបានមកទិញកាំភ្លើង ដោយពួកគេត្រូវតម្រង់ជួររង់ចាំរយៈពេលរាប់ម៉ោង។
ហាងមួយក្នុងទីក្រុង Holon បានប្រាប់ FT ថា ខ្លួនលក់កាំភ្លើង៩មិល្លីម៉ែត្រម៉ាក Masada អស់គ្មានសល់ ដោយសារតែតម្រូវការកើនឡើង ក្រោយការវាយប្រហារថ្ងៃទី៧ខែតុលា។
ស្របពេលជាមួយគ្នានោះ មន្ត្រីម្នាក់និយាយថា “យើងកំពុងព្យាយាមផ្ទេរអាវុធឲ្យបានច្រើនតាមដែលអាចធ្វើទៅបាន មកពីគ្រប់ទីកន្លែង ដើម្បីពង្រឹងក្រុមសន្តិសុខក្នុងតំបន់ និងផ្តល់ជូនប្រជាពលរដ្ឋ នូវសុវត្ថិភាពដែលពួកគេត្រូវការ”។
ដំបូង អាជ្ញាធរអ៊ីស្រាអែលនិយាយថា មនុស្សជាង១៤០០នាក់ត្រូវបានសម្លាប់ និងប្រហែល ២០០នាក់ទៀតត្រូវចាប់ខ្លួនដោយក្រុមហាម៉ាស់។ ចាប់តាំងពីពេលនោះមក យោធាអ៊ីស្រាអែលបានឆ្លើយតបជាមួយនឹងការវាយប្រហារតាមអាកាសទ្រង់ទ្រាយធំ នៅតំបន់ហ្គាហ្សាស្ទ្រីប ដែលបានសម្លាប់ប្រជាជនប៉ាឡេស្ទីនរាប់ពាន់នាក់៕
ប្រែសម្រួល៖ Vann Vann
ប្រភព៖ Tuoi Tre, Business Insider
ចុចអាន៖ អង្គការ Save the Children៖ កុមារ២០០០នាក់ ស្លាប់នៅហ្គាហ្សា ត្រឹម១៧ថ្ងៃ
-
សន្តិសុខសង្គម១ សប្តាហ៍ ago
ជនដៃដល់ បាញ់មនុស្ស២នាក់ស្លាប់ នៅបុរីប៉េងហួត មានគោរម្យងារជា ឧកញ៉ា
-
សន្តិសុខសង្គម១ សប្តាហ៍ ago
សមត្ថកិច្ច ចាប់បានបុរសដែលបាញ់មនុស្ស២នាក់ឱ្យស្លាប់ និងរបួស នៅបុរីប៉េងហ៊ួតបឹងស្នោ
-
សន្តិសុខសង្គម១ សប្តាហ៍ ago
Update៖ សមត្ថកិច្ចចាប់ខ្លួនជនសង្ស័យម្នាក់ ក្នុងហេតុការណ៍ផ្ទុះអាវុធ នៅក្នុងបុរីប៉េងហួតបឹងស្នោ
-
ព័ត៌មានជាតិ១ សប្តាហ៍ ago
សមាគមឧកញ៉ា នឹងស្នើបញ្ចប់ងារឧកញ៉ាពីឈ្មោះ ស្រី ស៊ីណា ក្រោយបាញ់ឱ្យមនុស្សស្លាប់
-
អត្ថាធិប្បាយ១ សប្តាហ៍ ago
សមត្ថកិច្ចប្រើពេល៣ម៉ោង ក្របួចកឧកញ៉ាប្រើកាំភ្លើងផ្ដាច់ជីវិតគូរស្នេហ៍មួយគូរ
-
សេដ្ឋកិច្ច៤ ថ្ងៃ ago
ការវិនិយោគរបស់ក្រុមហ៊ុនជប៉ុន កំពុងជួយរុញឱ្យកំណើនសេដ្ឋកិច្ចកម្ពុជាកាន់តែងើបឡើងបន្ថែមទៀត
-
KPT+៥ ថ្ងៃ ago
១០ ប្រទេស កំពូលគ្រោះថ្នាក់ខ្លាំង ចំពោះស្រ្តី
-
ព័ត៌មានជាតិ២ ថ្ងៃ ago
អ្នកនាំពាក្យទទូចដល់អ្នកប្រើបណ្តាញសង្គមបញ្ឈប់ចែកចាយជាបន្ទាន់ និងលុបចេញរាល់មាតិកាដែលពាក់ព័ន្ធឃាតកម្មឃោរឃៅ