មកដឹងពីទីក្រុងសម្បូរកណ្ដុរបំផុតនៅសហរដ្ឋអាមេរិក

ក្រុមហ៊ុនកម្ចាត់សត្វល្អិតមួយបានធ្វើបញ្ជី​ “ទីក្រុងសម្បូរកណ្ដុរបំផុត” នៅសហរដ្ឋអាមេរិក ហើយរកឃើញថា ទីក្រុង Chicago ជាប់លេខ ១ រយៈពេល ៩ ឆ្នាំជាប់ៗគ្នា ។

ជាក់ស្ដែងបញ្ជី “ទីក្រុងសម្បូរកណ្ដុរបំផុត” ប្រចាំឆ្នាំ ២០២៣ ពឹងផ្អែកលើចំនួននៃទីភ្នាក់ងារកម្ចាត់សត្វ ចាប់ពីថ្ងៃទី១ ខែកញ្ញា ឆ្នាំ ២០២២ ដល់ថ្ងៃទី៣១ ខែសីហា ឆ្នាំ ២០២៣ ។

តាមបញ្ជីបានបង្ហាញថា ទីក្រុង Chicago ឈរនៅលំដាប់កំពូលក្នុងបញ្ជី ខណៈទីក្រុង Los Angeles បានឡើងមកលេខ ២ ហើយទីក្រុង New York បានធ្លាក់មកចំណាត់ថ្នាក់លេខ ៣ វិញ ។

ក្រុមហ៊ុនដដែលបានឲ្យដឹងថា រាល់រដូវស្លឹកឈើជ្រុះ សត្វល្អិត និងកណ្ដុរបានលុកលុយផ្ទះប្រមាណ ២១ លានខ្នងនៅសហរដ្ឋអាមេរិក ។ ជាធម្មតា ពួកវាចូលផ្ទះទាំងនោះនៅចន្លោះខែតុលា និងកុម្ភៈ ដើម្បីស្វែងរកអាហារ ទឹក និងទីជម្រក ៕

ប្រែសម្រួល៖ វារី

ប្រភព៖ UPI

ចុចអាន៖ ប្រជាជនបារាំង កំពុងភិតភ័យចំពោះការរាតត្បាតនៃសត្វសង្កើច