គណបក្សមីយ៉ាន់ម៉ាចំនួន២៣ ចុះចូលជាមួយកងទ័ព

គណបក្សនយោបាយមីយ៉ាន់ម៉ាចំនួន២៣ នឹងសហការជាមួយការិយាល័យអគ្គមេបញ្ជាការនៃក្រសួងការពារជាតិ។

សេចក្តីថ្លែងការណ៍របស់គណបក្សទាំងអស់បាននិយាយថា ពួកគេនឹងសហការជាមួយកងទ័ព។ សេចក្តីថ្លែងការណ៍បន្ថែមទៀតថា ការប្រគល់ភារកិច្ចដែលត្រូវបានធ្វើឡើងដោយអគ្គមេបញ្ជាការ Min Aung Hlaing នៅក្រោមសេចក្តីជូនដំណឹងលេខ ១/២០២១ គឺអនុលោមតាមរដ្ឋធម្មនុញ្ញ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

គណបក្សទាំង២៣គឺស្ថិតក្នុងចំណោមគណបក្សទាំង៣៤ ដែលបានជួបជាមួយអគ្គមេបញ្ជាការនៅទីក្រុង ណៃពិដោ មុនការបោះឆ្នោតថ្ងៃទី៨ខែវិច្ឆិកា។

រឿងនេះបានកើតឡើងបន្ទាប់ពីមេដឹកនាំជាន់ខ្ពស់ម្នាក់មកពីគណបក្សសម្ព័ន្ធជាតិដើម្បីលទ្ធិប្រជាធិបតេយ្យ (NLD) របស់លោកស្រី អ៊ុងសាន ស៊ូជី ត្រូវបានកងទ័ពចាប់ខ្លួន។

លោក Win Htein ត្រូវបានគេនាំចេញពីផ្ទះរបស់គាត់ក្នុងទីក្រុង យ៉ាំងហ្គោន នៅព្រឹកថ្ងៃសុក្រនេះ។ គាត់បានប្រាប់ BBC ថា គាត់ត្រូវបានចាប់ខ្លួនក្រោមច្បាប់ បះបោរ។

លោកនិយាយថា លោកកំពុងត្រូវបានឃុំខ្លួនក្រោមច្បាប់បះបោរដែលអាចត្រូវបានផ្តន្ទាទោសអតិបរមា ជាប់ពន្ធនាគារអស់មួយជីវិតថ្វីបើលោកមិនបានប្រាប់ពីការចោទប្រកាន់ពិតប្រាកដក៏ដោយ៕

ប្រែសម្រួលដោយ៖ Vann Vann

ប្រភព៖ Myanmar Times