មហាអំណាចចំនួន ៣ គ្រោងបញ្ជូនមនុស្សទៅឋានព្រះចន្ទ មុនឆ្នាំ ២០៣០

បេសកកម្ម​បញ្ជូនយាន្តទៅស្រាវជ្រាវនៅ​ឋានព្រះចន្ទ គឺជារឿងមួយដែលអស្ចារ្យសម្រាប់ប្រទេសមហាអំណាច ប៉ុន្តែ​ មហិច្ឆតាធំជាងនេះ ជាការបញ្ជូនមនុស្សដោយផ្ទាល់ទៅកាន់ឋានព្រះច័ន្ទ ដើម្បីធ្វើការស្រាវជ្រាវតែម្តង ។

ដោយឡែក នៅក្នុងទសវត្សរ៍នេះ មានប្រទេស​មហាអំណចអាស៊ី អឺរ៉ុប និងអាមេរិក បាននាំគ្នាដាក់ផែនការបញ្ជូនមនុស្សទៅកាន់ឋានព្រះចន្ទឲ្យបានជោគជ័យ​ មុនឆ្នាំ ២០៣០ ហើយក្នុងនោះមានប្រទេសចំនួន ៣ កំពុងមានមហិច្ឆតាលើរឿងនេះ៖

ប្រទេសចិន ៖ ចិនមានមហិច្ឆតា​បញ្ជូនអវកាសយានិកទៅកាន់ឋានព្រះចន្ទឲ្យបានមុនឆ្នាំ ២០៣០ ។ តាមការបញ្ជាក់ពីសំណាក់ភ្នាក់ងារអវកាសបានឲ្យដឹងថា ចិន​កំពុងរៀបចំសម្រាប់ការស្នាក់នៅរយៈពេលខ្លីលើផ្ទៃព្រះចន្ទ និងការរុករករួមគ្នារវាងមនុស្ស និងមនុស្សយន្ត ។

​សហរដ្ឋអាមេរិក ៖ អាមេរិកធ្លាប់បានជោគជ័យ​ម្តងរួចមកហើយ​នៅក្នុងឆ្នាំ ១៩៦៩ ។ បច្ចុប្បន្នអង្គការ NASA កំពុងសម្លឹងមើលបេសកកម្មបញ្ជូនមនុស្ស​ទៅព្រះចន្ទនៅឆ្នាំ ២០២៥ និង ២០២៩ ខណៈ​បេសកកម្មនៅឆ្នាំ ២០២៥ គ្រោង​​បញ្ជូនអាវកាយានិកនារី និងបុរសទៅ​កាន់ព្រះចន្ទដំបូងគេបង្អស់ ។

ប្រទេសរុស្ស៊ី ៖ នៅឆ្នាំ ១៩៥៩ សហភាពសូវៀតបានបញ្ជូនយានអវកាសដំបូងទៅកាន់ផ្ទៃព្រះចន្ទ ។ បច្ចុប្បន្ន​រុស្ស៊ីកំពុងរៀបចំផែនការហោះហើរជុំវិញព្រះចន្ទនៅឆ្នាំ ២០២៩ ខណៈនៅខែ​កក្កដាកន្លងទៅ រុស្ស៊ីបានបរាជ័យ​ចុះចតនៅព្រះចន្ទដែលជាបេសកកម្មដំបូងរបស់ខ្លួនក្នុងរយៈពេលជិត ៥០ ឆ្នាំ ។

ក្រៅ​ពីប្រទេស​មហាអំណាចទាំង​ ៣ នេះហើយ ឥណ្ឌាដែលទើបតែជោគ​ជ័យ​ចំពោះបេសកកម្មនៅប៉ូលខាងត្បូងនៃឋានព្រះចន្ទ ក៏បង្ហាញពីផែនការ​បញ្ជូនមនុស្សឲ្យទៅ​ឋានព្រះចន្ទដូចគ្នា​ ប៉ុន្ទែ​នៅក្នុងឆ្នាំ ២០៤០ នៃទសវត្សរ៍ក្រោយ ៕

ប្រែសម្រួល៖ នាង រតនៈ

ប្រភព៖​ Yahoo