ព័ត៌មានអន្ដរជាតិ

G7 នឹងប្រកាសហាមឃាត់ទិញពេជ្រ រុស្ស៊ី នៅចុងខែនេះ

បានផុស

១ year មុន

នៅ

ថ្ងៃព្រហស្បតិ៍ ២៦ តុលា ២០២៣

ដោយ

ប្រភពមន្រ្តីការទូតអឺរ៉ុបម្នាក់បាននិយាយថា សេចក្តីថ្លែងការណ៍របស់ក្រុមប្រទេស G7 ពាក់ព័ន្ធទៅនឹងការហាមប្រាមនាំចូលពេជ្ររុស្ស៊ីរំពឹងនឹងប្រកាសនៅចុងខែនេះ បន្ទាប់ពីសំណើសម្រាប់កញ្ចប់ទណ្ឌកម្មទី ១២ របស់សហភាពអឺរ៉ុបលើរដ្ឋាភិបាលទីក្រុងមូស្គូ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ប្រភពមួយទៀតបាននិយាយថា សេចក្តីថ្លែងការណ៍ជាផ្លូវការណ៍របស់ក្រុមន្រទេស G7 ស្ដីពីការហាមឃាត់ពេជ្ររុស្ស៊ីរំពឹងនឹងកើតមានឡើងក្នុងរយៈពេល ១ សប្តាហ៍ទៀត ដោយសារតែពេជ្ររុស្ស៊ី គឺជាគោលដៅទណ្ឌកម្មកញ្ចប់ទី ១២ របស់សហភាពអឺរ៉ុប ។

ក្រុមប្រទេស G7 ដែលរួមមាន កាណាដា បារាំង អាល្លឺម៉ង់ ជប៉ុន អ៊ីតាលី ចក្រភពអង់គ្លេស និងសហរដ្ឋអាមេរិក បានប្រកាសគ្រោងនឹងដាក់ទណ្ឌកម្មលើការនាំចូលត្បូងពេជ្ររុស្ស៊ីដោយផ្ទាល់ និងដោយប្រយោល បន្ទាប់ពីមានការជជែកដេញដោលគ្នាយ៉ាងយូរ ។

រហូតមកដល់ពេលនេះ ការនាំចូលពេជ្ររបស់រុស្ស៊ី ត្រូវបានរារាំងដោយសហរដ្ឋអាមេរិក ចក្រភពអង់គ្លេស កាណាដា និងនូវែលសេឡង់ ។ យ៉ាងណាមិញ រដ្ឋាភិបាលក្រុងវ៉ាស៊ីនតោនបានអនុញ្ញាតឲ្យទិញត្បូងដែលចម្រាញ់រួចហើយនៅក្នុងប្រទេសរុស្ស៊ី ប៉ុន្តែត្រូវកែច្នៃក្នុងប្រទេសផ្សេងទៀត ។

គួរបញ្ជាក់ថា ទោះបីជាមានការហាមពីប្រទេសនៅក្នុងតំបន់ក៏ដោយ ប៉ុន្តែរុស្ស៊ីបាននឹងកំពុងប្តូរទិសដៅពាណិជ្ជកម្មពេជ្ររបស់ខ្លួនទៅកាន់ទីផ្សារជំនួស រួមមានប្រទេសចិន ឥណ្ឌា អារ៉ាប់រួម អាមេនី និងបេឡារុសជាដើម ៕

ប្រែសម្រួល៖ នាង រតនៈ

ប្រភព៖ RT

ចុចអាន៖ ស្រីលង្កា ប្រកាសលើកលែងទិដ្ឋាការដល់ប្រទេសចំនួន ៧ ដើម្បីជំរុញសេដ្ឋកិច្ច