លោក ត្រាំ អាចដកអាមេរិក ចេញពីអង្គការណាតូ បើជាប់ឆ្នោត 

អតីតប្រធានាធិបតីអាមេរិក លោក ដូណាល់ ត្រាំ បានពិភាក្សាអំពីលទ្ធភាពនៃការដកប្រទេសចេញពីអង្គការ ណាតូ ឬកាត់ជំនួយរបស់អាមេរិកចំពោះប្លុកនេះ ប្រសិនបើគាត់ឈ្នះការបោះឆ្នោតឆ្នាំ២០២៤។ នេះបើតាមការចុះផ្សាយរបស់ទស្សនាវដ្តី Rolling Stone កាលពីដើមសប្តាហ៍។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ដោយដកស្រង់ប្រភពជិតស្និទ្ធិចំនួនពីរ, លោក ត្រាំ បានបង្ហាញជំហរច្បាស់ៗ ក្នុងការចាកចេញពីអង្គការណាតូ ឬសម្ព័ន្ធភាពយោធានៅសេសសល់ផ្សេងទៀត ប្រសិនបើសមាជិកអឺរ៉ុបរបស់ខ្លួន បង្កើនការចំណាយលើវិស័យការពារជាតិនិងលុបចោលមាត្រា៥នៃសន្ធិសញ្ញាអាត្លង់ទិកខាងជើង ដែលចាត់ទុក ការ​វាយ​ប្រហារ​លើ​រដ្ឋ​ជា​សមាជិកណា​មួយ ​ជា​ការ​វាយ​ប្រហារ​លើ​ប្រទេស​ទាំង៣១។

ជាមួយនឹងជម្លោះដែលកំពុងផ្ទុះឡើងនៅអ៊ុយក្រែន ក៏ដូចជាក្នុងប្រទេសជាសមាជិកអឺរ៉ុបខាងកើតនិងបាល់ទិករបស់អង្គការណាតូ ដែលកំពុងជំរុញឲ្យសម្ព័ន្ធភាពនេះបង្កើនជំនួយយោធារបស់ខ្លួនដល់ទីក្រុងកៀវនោះ, លោក ត្រាំ បានព្រមានម្តងហើយម្តងទៀត អំពីលទ្ធភាពផ្ទុះសង្គ្រាមលោកលើកទី៣នៅអឺរ៉ុប។

ប្រសិនបើជាប់ឆ្នោត លោក ត្រាំ បានប្តេជ្ញាថា នឹងកាត់ផ្តាច់ជំនួយយោធាដល់អ៊ុយក្រែន ថែមទាំងបង្ខំលោកប្រធានាធិបតី Vladimir Zelenzky ឲ្យចូលតុចរចាកិច្ចព្រមព្រៀងសន្តិភាពជាមួយរុស្ស៊ីទៀតផង។

លើសពីនេះទៅទៀត យោងតាមប្រភពរបស់ Rolling Stone, លោក ត្រាំ បានបញ្ជាក់យ៉ាងច្បាស់ថា រដ្ឋបាលលើកទីពីររបស់គាត់ នឹងមិនមានបុគ្គលិកជាអ្នកស្រឡាញ់អង្គការណាតូឡើយ៕

ប្រែសម្រួល៖ Vann Vann

ប្រភព៖ RT

ចុចអាន៖ លោក ត្រាំ អះអាងថា នឹងព្រមធ្វើជាប្រធានរដ្ឋសភា អាមេរិក