ព័ត៌មានអន្ដរជាតិ
អ៊ីស្រាអែល ថា ក្រុមហាម៉ាស់ នឹងដោះលែងចំណាប់ខ្មាំងមួយចំនួនធំយ៉ាងយូរ ២ ថ្ងៃទៀត
ប្រព័ន្ធផ្សព្វផ្សាយអ៊ីស្រាអែល Haaretz បានរាយការណ៍កាលពីថ្ងៃព្រហស្បតិ៍ថា ចំណាប់ខ្មាំងមួយចំនួនធំដែលក្រុមប្រដាប់អាវុធប៉ាឡេស្ទីនហាម៉ាស់ចាប់ឃុំខ្លួន អាចនឹងត្រូវបានដោះលែងវិញក្នុងរយៈពេលយ៉ាងយូរ ២ ថ្ងៃ ឬតិចជាងនេះ អាស្រ័យលើវឌ្ឍនភាពនៃការចរចា ។

ពាក់ព័ន្ធនឹងបញ្ហានេះដែរ រដ្ឋាភិបាលអ៊ីស្រាអែលបានបញ្ជាក់ថា ជាងពាក់កណ្តាលនៃចំណាប់ខ្មាំងប្រមាណ ២២០ នាក់ដែលក្រុមហាម៉ាស់នៅតែបន្តដាក់ឃុំខ្លួន គឺកាន់លិខិតឆ្លងដែនមកពី ២៥ ប្រទេសផ្សេងៗគ្នា ដោយក្នុងនោះរួមមានជនជាតិថៃ ៥៤ នាក់, អាហ្សង់ទីន ១៥ នាក់, អាមេរិក ១២ នាក់ និងអាល្លឺម៉ង់ ១២ នាក់ ខណៈអ្នកខ្លះកាន់លិខិតឆ្លងដែនមានសញ្ជាតិ ២ ។
នៅក្នុងសុន្ទរកថាមួយកាលពីពេលថ្មីៗនេះ នាយករដ្ឋមន្ត្រីអ៊ីស្រាអែលលោក Benjamin Netanyahu បានលើកឡើងថា រដ្ឋាភិបាលរបស់លោកនឹងធ្វើអ្វីគ្រប់យ៉ាងតាមដែលអាចធ្វើទៅបាន ដើម្បីរំដោះចំណាប់ខ្មាំងត្រឡប់ទៅផ្ទះវិញប្រកបដោយសុវត្ថិភាព ។

កាសែត New York Times បានរាយការណ៍ថា រដ្ឋាភិបាលអាមេរិកកំពុងស្នើឲ្យអ៊ីស្រាអែលពន្យារពេលប្រតិបត្តិការវាយលុកតាមដីគោលនៅតំបន់ហ្គាហ្សា ដើម្បីផ្តល់ពេលវេលាបន្ថែមទៀតដល់រដ្ឋាភិបាលទីក្រុងវ៉ាស៊ីនតោនក្នុងការដាក់ខែលការពារដែនអាកាសសម្រាប់ការការពារកងទ័ពអាមេរិកនៅក្នុងតំបន់ ជាពិសេសវាក៏នឹងផ្តល់ពេលវេលាបន្ថែមទៀតដើម្បីចរចាដោះលែងចំណាប់ខ្មាំងផងដែរ ។
គួរបញ្ជាក់ថា ភាពតានតឹងថ្មីដែលបានផ្ទុះឡើងនៅមជ្ឈិមបូព៌ាបានអូសបន្លាយពេលជិតដល់សប្ដាហ៍ទី ៣ ហើយ បន្ទាប់ពីក្រុមហាម៉ាស់បានបើកការវាយប្រហារមកលើទឹកដីអ៊ីស្រាអែលចេញពីតំបន់ហ្គាហ្សាស្ទ្រីបកាលពីព្រឹកព្រលឹមថ្ងៃទី៧ ខែតុលា ដោយបានសម្លាប់មនុស្សជាង ១,៤០០ នាក់ ដែលភាគច្រើនជាជនស៊ីវិល ។
ចំណែកនៅតំបន់ហ្គាហ្សាវិញ ក្រសួងសុខាភិបាលដែលគ្រប់គ្រងដោយក្រុមហាម៉ាស់បាននិយាយថា ការឆ្លើយតបរបស់អ៊ីស្រាអែលបានសម្លាប់មនុស្សជាង ៧,០០០ នាក់ ហើយក្នុងនោះមានក្រុមសកម្មប្រយុទ្ធហាម៉ាស់ជាង ១,៥០០ នាក់នៅក្នុងទឹកដីអ៊ីស្រាអែល ខណៈប្រជាជន ២.៣ លាននាក់កំពុងខ្វះជំនួយមនុស្សធម៌ ៕

ប្រែសម្រួលដោយ ៖ ជីវ័ន្ត
ប្រភព ៖ NHK
ចុចអាន ៖ ក្រុមហាម៉ាស់ ថា ចំណាប់ខ្មាំងជិត៥០នាក់ត្រូវស្លាប់ ដោយការទម្លាក់គ្រាប់បែករបស់ អ៊ីស្រាអែល

-
ព័ត៌មានអន្ដរជាតិ១ ថ្ងៃ ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម៣ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ៥ ថ្ងៃ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ២ ថ្ងៃ ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៥ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៦ ថ្ងៃ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម១ ថ្ងៃ ago
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
សន្តិសុខសង្គម១៤ ម៉ោង ago
ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ