ព័ត៌មានអន្ដរជាតិ

បែកស្ពានកញ្ចក់នៅឥណ្ឌូណេស៊ី ស្លាប់អ្នកទេសចរម្នាក់ (មានវីដេអូ)

បានផុស

១ year មុន

នៅ

ថ្ងៃសៅរ៍ ២៨ តុលា ២០២៣

ដោយ

ស្ពានកញ្ចក់ Geong កម្ពស់ ១០ ម៉ែត្រ នៅប្រទេសឥណ្ឌូណេស៊ីបែកកាលពីថ្ងៃពុធ ទី២៥ ខែតុលា វេលាម៉ោង ១០ ព្រឹក ខណៈពេលមានអ្នកទេសចរ ១១ នាក់កំពុងឆ្លងកាត់ បណ្ដាលឲ្យមនុស្សម្នាក់បានស្លាប់ និងបីនាក់ផ្សេងទៀតរងរបួស ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ពេលនេះប៉ូលិសកំពុងធ្វើការស៊ើបអង្កេតលើហេតុការណ៍បែកស្ពាន ហើយរៀបចំកន្លែងកើតហេតុ ចំពេលមានការអះអាងថា អ្នកគ្រប់គ្រងកន្លែងនោះធ្លាប់មើលរំលងបណ្តឹងអំពីសុវត្ថិភាពស្ពាន ។

ជាក់ស្ដែង លោក Ekop Purnomo ប្រធានសហករណ៍ព្រៃឈើ Limpakuwus Pine ធ្លាប់បានទាក់ទងអ្នកគ្រប់គ្រងរបស់ស្ពាន Geong នៅពេលដែលស្ពានបើក ដើម្បីស្វែងរកការវាយតម្លៃសុវត្ថិភាព កាលពីខែមេសា ។ លោកមានប្រសាសន៍ថា ខ្លួនបានទៅជួបអ្នកគ្រប់គ្រងរបស់ស្ពាន Geong បន្ទាប់ពីទទួលពាក្យបណ្តឹងនៅលើប្រព័ន្ធផ្សព្វផ្សាយដែលបង្កើនការព្រួយបារម្ភ អំពីសុវត្ថិភាពនៃស្ពាន ។

Purnomo បន្តទៀតថា ភ្ញៀវដល់ទៅ ៥ ភាគរយបានរិះគន់ពីស្ពានតាមបណ្ដាញសង្គម ។ ចំណែកឯអ្នកគ្រប់គ្រងស្ពានវិញមិនចូលរួមប្រជុំដើម្បីពិនិត្យសុវត្ថិភាពទេ បែរជាបញ្ជូនអ្នកផ្សេងឲ្យមកជំនួសទៅវិញ ។

បច្ចុប្បន្នលោក Purnomo យល់ព្រមបិទព្រៃ តាមសំណើរបស់ប៉ូលិសក្នុងតំបន់ ដើម្បីបន្តការស៊ើបអង្កេត ៕

ប្រែសម្រួល៖ វារី

ប្រភព៖ Dailymail

ចុចអាន៖ ស្ពានកញ្ចក់ដំបូងនៅទីក្រុងដាឡាត បើកឲ្យទស្សនាជាសាធារណៈហើយ