កូនប្រុសតែមួយរបស់លោកស្រី យីងឡាក់ ឈ្នះពានរង្វាន់សិស្សឆ្នើមនៅអង់គ្លេស

Supasek Amornchat ដែលជាកូនប្រុសដ៏មានទេពកោសល្យ និងសមត្ថភាពរបស់អតីតនាយករដ្ឋមន្ត្រីថៃ លោកស្រី យីងឡាក់ ក្រៅ​ពី​ការ​សិក្សា ថ្មីៗ​នេះ​លោក​បាន​ឈ្នះ​ពាន​និស្សិត​ឆ្នើម​ដោយ​មោទនភាពមកជូនម្ដាយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទំព័រហ្វេសប៊ុកផ្ទាល់ខ្លួនរបស់លោកស្រី យីងឡាក់ ស៊ីណាវ៉ាត់ត្រា បានចែករំលែករូបភាពនៃភាពជោគជ័យរបស់កូនប្រុសគឺលោក Supasek Amornchat ដែលឈ្នះពានរង្វាន់សិស្សឆ្នើមពីមហាវិទ្យាល័យ Imperial ទីក្រុងឡុងដ៍។

ក្នុងនោះផងដែរ អតីតនាយករដ្ឋមន្ត្រីថៃរូបនេះបានសរសេរសំណេរអបអរដល់កូនប្រុសអមដោយរូបភាពប៉ុន្មានសន្លឹកថា “ទោះ​ជួប​ការ​លំបាក​ ក៏​នៅ​មាន​សុភមង្គល​សម្រាប់បេះដូង​ម៉ាក់។ សូមអបអរសាទរដល់កូនប្រុស Supasek ដែលបានទទួលពានរង្វាន់ Frederic Barne Waldron ដែលជាពានរង្វាន់សិស្សឆ្នើម។ ពានរង្វាន់នេះត្រូវបានតែងតាំងដោយប្រធានមហាវិទ្យាល័យ Imperial College London ដែលជាសមាជិកនៃ IMeche (Mechanical Engineering) ម៉ាក់ពិតជាមានមោទនភាព ចំពោះកូនប្រុសខ្លាំងណាស់”។

លើសពីនេះទៀតដែរ អ្នកបញ្ចេញមតិបានយល់ស្របនិងគាំទ្រលោកស្រីដោយថា នេះជារង្វាន់ដ៏មានតម្លៃណាស់ ហើយវាត្រូវការការខិតខំប្រឹងប្រែងជាច្រើន ដើម្បីទទួលបានជោគជ័យ និងទទួលបានពានរង្វាន់នេះ។ ក្នុងនោះ ការបង្ហោះរបស់លោកស្រីយីងឡាក់ទទួលបានការ Like ច្រើនជាង ៤០ ០០០ និងជាង ២ ៨០០ Comment សុទ្ធតែសរសើរនិងអបអរដល់កូនប្រុសទោលរូបនេះ៕

ប្រែសម្រួល៖ សាង ស្រីល័ក្ខ

ប្រភព៖យីងឡាក់

ចុចអាន៖ភ្ញៀវ​ទេសចរ ៥ ប្រទេស​ ​ កម្រធ្វើដំណើរមកទស្សនាប្រទេស​ថៃ