រថក្រោះអ៊ីស្រាអែលបាញ់ប្រហារលើរថយន្តដឹកជនស៊ីវិលនៅតំបន់ហ្គាហ្សា

រថក្រោះអ៊ីស្រាអែលបាញ់ប្រហារទៅលើរថយន្តដឹកជនស៊ីវិលនៅតំបន់ហ្គាហ្សាស្ទ្រីប ខណៈសាក្សីដែលបានឃើញផ្ទាល់ភ្នែកបានប្រាប់ RIA Novosti ថា វាបណ្ដាលឱ្យមនុស្ស ៣នាក់បានស្លាប់។ យ៉ាងណាមិញ ជនរងគ្រោះផ្សេងទៀតក្នុងហេតុការណ៍នេះ មិនទាន់ត្រូវបានរាយការណ៍នៅឡើយទេ។

មុនពេលការបាញ់ប្រហារនេះ អ៊ីស្រាអែលបានពង្រីកការវាយលុកយោធារបស់ខ្លួនកាន់តែជ្រៅទៅក្នុងភាគខាងជើងតំបន់ហ្គាហ្សាស្ទ្រីប ស្របពេលដែលអង្គការសហប្រជាជាតិ និងបុគ្គលិកពេទ្យបានសម្តែងការភ័យខ្លាចចំពោះការវាយប្រហារតាមអាកាសដែលខិតទៅជិតមន្ទីរពេទ្យ ជាកន្លែងដែលប្រជាជនប៉ាឡេស្ទីនរាប់ម៉ឺននាក់កំពុងជ្រកកោន។

បច្ចុប្បន្នចំនួនអ្នកស្លាប់របស់ប៉ាឡេស្ទីនក្នុងសង្គ្រាមអ៊ីស្រាអែល និងហាម៉ាស់បានកើនឡើងដល់ ៨,៣០៦នាក់។ នេះបើយោងតាមក្រសួងសុខាភិបាលដែលគ្រប់គ្រងដោយក្រុមហាម៉ាស់នៅហ្គាហ្សា៕

ប្រែសម្រួល៖ សន្យា

ប្រភព៖ RT & AP

ចុចអាន៖ រុស្ស៊ី កំពុងបញ្ចុះបញ្ចូល អ៊ីស្រាអែល ឲ្យបោះបង់យុទ្ធសាស្ត្រ “សម្លាប់រង្គាល” នៅតំបន់ហ្គាហ្សា

ចុចអាន៖ រុស្ស៊ី ថា លោកខាងលិច មានបំណងពង្រីកជម្លោះយោធាបច្ចុប្បន្ន មកកាន់តំបន់អាស៊ីប៉ាស៊ីហ្វិក