​ប្ដី​ប្រពន្ធមួយគូភ្ញាក់ផ្អើលយ៉ាងខ្លាំង ក្រោយបើកដបដាក់ផេះ​សពមនុស្សនៅឆ្នេរ អូស្ត្រាលី

ប្ដី​ប្រពន្ធមួយគូដែលធ្វើដំណើរជុំវិញប្រទេសអូស្ត្រាលី បានទទួលការភ្ញាក់ផ្អើលក្នុងជីវិតរបស់ពួកគេ នៅពេលដែលបានរកឃើញដបទឹកមួយមកទើរលើឆ្នេរនៅភាគខាងជើងនៃរដ្ឋ Queensland ជាមួយនឹងកំណត់ត្រាខាងក្នុងដប។

គូស្នេហ៍ Rick និង Crystal បានបញ្ចាក់ថា ពួកគេរកឃើញផេះសពរបស់បុរសម្នាក់ឈ្មោះ Geoffrey ដោយគិតស្មានថាជាសំបុត្រស្នេហារបស់អ្នកណាម្នាក់ ដែលគេនិយមសរសេរដាក់ដបហើយបោះចូលសមុទ្រតែប៉ុណ្ណោះ។

នៅពេលដែល Rick រលាស់ចេញមកគាត់គិតថាជាខ្សាច់នៅក្នុងដប ប៉ុន្តែក្រោយមកគាត់មានការភ័យខ្លាចក្នុងការអានសំណេរភ្ជាប់មកជាមួយថា “នេះគឺជាផេះរបស់ Geoffrey ប្រសិនបើរកឃើញ សូមបោះដបទៅក្នុងទឹកវិញ ដើម្បីខ្ញុំអាចបន្តដំណើររបស់ខ្ញុំបាន”។

ទោះយ៉ាងណាក៏ដោយ ឃ្លិបរបស់ប្ដីប្រពន្ធមួយគូនេះត្រូវបានបង្ហោះនៅលើ TikTok កាលពីថ្ងៃទី ២៧ ខែតុលា ជាមួយនឹងចំណងជើងថា “Sorry Jeff” ហើយចាប់តាំងពីពេលនោះមក​ វាក៏រីករាលដាលដោយមានអ្នកចូលមើលរាប់លានដងរួមជាមួយនឹងមតិកំប្លែងជាច្រើនដូចជា “អូព្រះជាម្ចាស់ នោះហើយជាដំណើររបស់គាត់”, យ៉ាង​ណា​ក៏​សូមស្វាគមន៍​មក​កាន់ប្រទេសអូស្ត្រាលី”, “”នោះជាចុងបញ្ចប់ នៃការធ្វើដំណើររបស់គាត់ហើយ” ៕

ប្រែសម្រួល៖ សាង ស្រីល័ក្ខ

ប្រភព៖nypost

ចុចអាន៖អាហារចម្លែកលើលោកទាំង ១០ បរទេសឃើញហើយខ្លាចរអា