តារាម៉ូដែលអាមេរិកវ័យ ១៩ ឆ្នាំ ផ្អាកសិក្សា ដើម្បីទៅប្រយុទ្ធនៅជួរមុខរបស់អ៊ីស្រាអែល

តារាម៉ូដែលរដ្ឋ Texas កញ្ញា Megan Daniels កំពុងទៅប្រយុទ្ធនៅជួរមុខរបស់អ៊ីស្រាអែល បន្ទាប់ពីបញ្ចប់ការហ្វឹកហ្វឺនថ្នាក់មូលដ្ឋាន មុនពេលក្រុមហាម៉ាស់ចាប់ផ្តើមការវាយប្រហារដែលបានសម្លាប់មនុស្សជាង ១,៤០០ នាក់ ។

តារាម៉ូដែលវ័យ ១៩ ឆ្នាំ Megan មកពីតំបន់ Dallas នាងជាជនជាតិអាមេរិកចុងក្រោយដែលធ្វើដំណើរទៅកាន់ជួរមុខ ដើម្បីប្រយុទ្ធក្នុងសង្គ្រាមអ៊ីស្រាអែលប្រឆាំងនឹងក្រុមហាម៉ាស ។ ឥឡូវនេះ កងកម្លាំង​អ៊ីស្រាអែល​កំពុង​រង់ចាំ​ការ​លុកលុយ​ចូល​តំបន់​ហ្គាហ្សា ដើម្បី​ឆ្លើយតប​នឹង​សកម្មភាព​ភេរវជន ។

គេចាត់ទុក Daniels ជាទាហានឯកោ ព្រោះគ្រួសាររបស់នាងទាំងអស់សុទ្ធតែនៅរដ្ឋ Texas ដូច្នេះនាងនៅអ៊ីស្រាអែលតែឯងប៉ុណ្ណោះ ។

សូមជម្រាបថា Daniels ទើបតែបញ្ចប់ការសិក្សាពីសាលា Parish Episcopal ក្នុងទីក្រុង Plano រដ្ឋ Texas ហើយផ្អាកចូលរៀនមហាវិទ្យាល័យ ដើម្បីទៅធ្វើសង្គ្រាមនៅប្រទេសអ៊ីស្រាអែលវិញ ។

នៅពេលដែលក្រុមហាម៉ាស់វាយប្រហារអ៊ីស្រាអែលកាលពីថ្ងៃទី៧ ខែតុលា ពលរដ្ឋអាមេរិក-អ៊ីស្រាអែល ២ រូបកំពុងបំពេញកាតព្វកិច្ចនៅទីក្រុង Tel Aviv ។ គ្រានោះ នាងទើបតែបានបញ្ចប់ការហ្វឹកហ្វឺនជាមូលដ្ឋានប៉ុន្មានថ្ងៃមុនការវាយលុកប៉ុណ្ណោះ ។

ទន្ទឹមនឹងនេះ ឪពុកម្តាយ និងមិត្តភ័ក្តិរបស់នាងកំពុងរៃអង្គាសថវិកាសម្រាប់កងកម្លាំងការពារអ៊ីស្រាអែល ដូចជា Megan ផងដែរ ។ ហើយប្រាក់ដែលប្រមូលបាននឹងប្រគល់ជូនកងកម្លាំងការពារអ៊ីស្រាអែលសម្រាប់ការព្យាបាលរបួស ៕

ប្រែសម្រួល៖ វារី

ប្រភព៖ Dailymail

ចុចអាន៖ អង្គរក្ស Taylor Swift ហោះទៅអ៊ីស្រាអែលវិញ ដើម្បីប្រយុទ្ធនឹងក្រុមហាម៉ាស់